01:44 PM   IRAQ
WEDNESDAY, 27 MARCH 2019
 به په‌له |◀   ڕۆحانی بۆ چارەکردنی قەیرانی لافاو داوای یارمەتی لە ئەرتەش و سوپای پاسداران و هەموو دامودەزگاکانی ئێران دەکات
FRIDAY, 15 MARCH 2019 - 11:04
نێچیرڤان بارزانی:
کوردانی سووریا بۆ بەدەست هێنانی مافەکانیان دەبێت روو لە دیمەشق بکەن

بەشی عێراق و هەرێمی کوردستان- نێچیرڤان بارزانی، سه‌رۆک وه‌زیرانی هه‌رێمی كوردستان سه‌باره‌ت به‌ کوردانی سووریا ڕایگەیاند كورد له‌ چوارچێوه‌ی سووریایێكی یه‌كگرتوودا گفتوگۆ له‌گه‌ڵ دیمه‌شق ده‌ستپێبكات.

بەپێی هەواڵی کوردپرێس، سەرۆک وەزیرانی هەرێمی کوردستان له‌ چاوپێكه‌وتنێكی له‌گه‌ڵ پێگه‌ی ئه‌لیكترۆنی ئەلمۆنتیۆر سه‌باره‌ت به‌ کوردستانی سووریا داوای لە کوردانی ئەو وڵاتە كرد پەیوەندییەکانیان لەگەڵ دیمەشق بەرەوپێش ببەن و بۆ بەدەست هێنانی مافەکانیان دەبێت روو لە دیمەشق بکەن.

گوتیشی: پێویسته‌ گفتوگۆکان لە نێوان کوردانی سووریا و بەرپرسانی حکوومەتی سووریا لەچوارچێوەی سووریایێکی یەکگرتوو دەستپێبکەن.

سه‌رۆك وه‌زیرانی هه‌رێم نایشارێتەوە، حکوومەتی سووریا هەست بە باڵادەستبوونی خۆی دەکات، بەڵام لە راستیدا کوردی سووریا خۆی سەلماندووە. دەبێت دیمەشق مامەڵە لەگەڵ راستییە هەنووکەییەکان بکات و دان بە مافەکانی کورد بنێت.

لە بەشێکی دیکەی قسەکانیدا سه‌رۆک وه‌زیرانی هه‌رێمی كوردستان روونی کردەوە؛ بۆ هەرێمی کوردستان گرنگە دراوسێیێکی ئارامی هەبێت. ئارامیی سووریا کاریگەری لەسەر هەرێمی کوردستان دەبێت.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه