03:26 PM   IRAQ
TUESDAY, 23 APRIL 2019
 به په‌له |◀   کۆشکی سپی: لێخۆشبوون بۆ 8 وڵاتی کڕیاری نەوتی ئێران درێژ ناکرێتەوە/ ئێران: وەڵامی بڕیارەکەی ئەمریکا دەدەینەوە
MONDAY, 25 MARCH 2019 - 10:53
هه‌واڵنێری مه‌یدانیی باغۆز تایبه‌ت بۆ کوردپرێس؛
ڕووخانی خه‌لافه‌تی داعش سه‌ره‌تای وه‌رزێکی نوێیه‌ له‌ باکوور و خۆڕهه‌ڵاتی سووریا

به‌شی سووریا- هه‌واڵنێری مه‌یدانیی جێگیربووی شارۆچکه‌ی باغۆزی سه‌ر به‌ پارێزگای دێره‌زووری سووریا باس له‌وه‌ ده‌کات که‌ دۆخی دێره‌زوور جێگیره‌ و ڕووخانی خه‌لافه‌تی داعش به‌ سه‌ره‌تای وه‌رزێکی نوێ له‌ باکوور و خۆڕهه‌ڵاتی سووریا وه‌سف ده‌کات.

دیار ئامۆ هه‌واڵنێری مه‌یدانیی جێگیربووی شارۆچکه‌ی باغۆزی سه‌ر به‌ پارێزگای دێره‌زووری سووریا ئاماژه‌ به‌ هه‌ڵکرانی ئاگری نه‌ورۆز له‌و ناوچه‌یه‌ ده‌کات و به‌ کوردپرێسی ڕاگه‌یاندوووه‌: به‌ ئاماده‌بوونی نوێنه‌ری هه‌ندێک گرووپی سوپای سووریای دیموکرات و نوێنه‌ری هێزی هاوپه‌یمانیی دژه‌داعش به‌یاننامه‌ی کۆتایی‌هاتن و ڕووخانی خه‌لافه‌تی داعش له‌ باغۆز خوێندرایه‌وه‌.

ناوبراو ئاماژه‌ به‌وه‌ش ده‌کات که‌ به‌یاننامه‌ی ڕووخانی خه‌لافه‌تی داعش سه‌ره‌تای وه‌رزێکی نوێیه‌ له‌ باکوور و خۆڕهه‌ڵاتی سووریا و گوتیشی: ئه‌و به‌یاننامه‌یه‌ به‌ بۆنه‌ی دوو هۆکاره‌وه‌ گرینگایه‌تییێکی زۆری هه‌یه‌. یه‌که‌م به‌ بۆنه‌ی ته‌ئکید له‌سه‌ر کۆتایی‌هاتنی جوگرافیای سه‌ربازیی داعش و ده‌ست پێکردنی قۆناغی پاش داعش و دووهه‌میش ده‌ست پێکردنی خولێکی سیاسیی نوێ له‌ سووریا و بانگهێشت‌کرانی ده‌وڵه‌تی ناوه‌ندی بۆ به‌هه‌ندوه‌رگرتنی دانووستانه‌کان بوو که‌ له‌ به‌یاننامه‌که‌دا ئاماژه‌ی پێکرا.

دیار ئامۆ ڕاشی‌گه‌یاند: که‌شوهه‌وایێکی باش له‌ باغۆز جێگیره‌ چوونکه‌ پاش پێنج ساڵ شه‌ڕ و خوێن ڕشتن له‌ ئه‌نجامدا ئاڵای ڕه‌شی خه‌لافه‌تی مه‌رگ کێشرایه‌ خواره‌وه‌ و له‌ جیاتی ئه‌و ئاڵایه‌ ئاڵای به‌رخۆدانی هێزی سووریا (سووریای دیموکرات) هه‌ڵکرا.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه