12:21 PM   IRAQ
MONDAY, 27 MAY 2019
 به په‌له |◀   وه‌زیری ده‌ره‌وه‌ی عێراق: دژی سزاکانی ئه‌مریکا بۆ سه‌ر ئێرانین و ئاماده‌ین ڕۆڵی نێوه‌ندگیر بگێڕین
WEDNESDAY, 15 MAY 2019 - 12:55
ئەندامێکی کۆمیسیۆنی ئاسایشی نیشتیمانیی په‌رله‌مانی ئێران: هیچ جیاوازییێک له‌ نێوان ئه‌ورووپا و ئه‌مریکادا نییه‌

به‌شی ئێران- ئه‌ندامی ده‌سته‌ی سه‌رۆکایه‌تیی کۆمیسیۆنی ئاسایشی نیشتیمانیی په‌رله‌مانی ئێران ڕای‌ده‌گه‌یێنێت: هیچ جیاوازییێک له‌ نێوان ئه‌ورووپا و ئه‌مریکادا نییه‌ و ئه‌ورووپا وه‌ک ئه‌مریکا وڵاتێکی متمانه‌پێکراو نییه‌.

سه‌یید حسێن نه‌قه‌وی حسێنی له‌ دیمانه‌یێکی تایبه‌ت له‌گه‌ڵ کوردپرێسدا ئاماژه‌ به‌ سیاسه‌ته‌کانی ئه‌ورووپا و ئه‌مریکا له‌ به‌رانبه‌ر ئێران ده‌کات و ده‌ڵێت: ڕاستییه‌که‌ ئه‌مه‌یه‌ که‌ ئه‌مریکا و ئه‌ورووپا هیچ جیاوازییێکیان له‌گه‌ڵ یه‌کتر نییه‌. له‌لایێکه‌وه‌ ئه‌مریکا له‌ ڕێککه‌وتنی ئه‌تۆمی کشایه‌وه‌ و سزاکانی سه‌ر ئێرانی قورستر کرده‌وه‌ و له‌لایێکی‌تره‌وه‌ ئه‌ورووپییه‌کان هه‌ندێک مه‌رجیان بۆ دانووستان له‌گه‌ڵ ئێران دانا.

ناوبراو گوتیشی: ئه‌ورووپییه‌کان به‌دواداچوون بۆ ئه‌و بابه‌تانه‌ ده‌که‌ن که‌ ئه‌مریکا ئاراسته‌ی کردووه‌ و هه‌وڵ ده‌ده‌ن له‌سه‌ر هه‌ندێک بابه‌ت وه‌ک نفووزی ئێران له‌ ناوچه‌که‌ و دۆخی مافی مرۆڤ له‌ ئێران گوشار بخه‌نه‌ سه‌ر ئه‌م وڵاته‌.

نه‌قه‌وی حسێنی ڕاشی‌گه‌یاند: ئه‌ورووپییه‌کان له‌ پاکێجی پێشنیارکراوی خۆیان له‌ به‌رانبه‌ر ڕێککه‌وتنی ئه‌تۆمی گڵۆپی سه‌وزیان بۆ ئێران هه‌ڵنه‌کرد و چه‌ندین بابه‌تی دژبه‌یه‌کیان ئاراسته‌ کرد بۆ ئه‌وه‌ی ئه‌گه‌ر بڕیاره‌ ئێران قازانجێک وه‌ده‌ست بهێنێت ڕێگری له‌ ده‌سته‌به‌ربوونی به‌رژه‌وه‌ندییه‌کانی ئێران بکه‌ن.

ئه‌ندامی کۆمیسیۆنی ئاسایشی نیشتیمانیی په‌رله‌مانی ئێران ئاماژه‌ به‌وه‌ ده‌کات که‌ ده‌بێ لایه‌نی دانووستانکاری ڕێککه‌وتنی ئه‌تۆمیی ئێران ئاگاداری فێڵی لایه‌نی به‌رانبه‌ر بێت و جه‌ختی کرده‌وه‌: ده‌بێ لایه‌نی دانووستانکار زیره‌ک و وریا بێت و به‌ هه‌موو ئیمکاناته‌وه‌ خوێندنه‌وه‌ بۆ سیاسه‌تی هه‌ردوولا بکه‌ن بۆ ئه‌وه‌ی وڵات نه‌که‌وێته‌ داویانه‌وه‌.

نه‌قه‌وی حسێنی ڕاشی‌گه‌یاند: ده‌بێ به‌رپرسانی کۆماری ئیسلامیی ئێران وریا بن و به‌ گوێره‌ی به‌رژه‌وه‌ندییه‌کان و مه‌سڵه‌حه‌تی داهاتووی وڵات بڕیار بده‌ن.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه