20:55 PM   IRAQ
TUESDAY, 23 JULY 2019
 به په‌له |◀   مه‌سروور بارزانی ده‌موچاوی نوێی دێنێته‌ کابینه‌که‌یه‌وه‌
THURSDAY, 16 MAY 2019 - 13:00
ئەستۆپاکیی سەلاحەدین دەمیرتاش و فیگن یوکسداغ لە دۆسیەی بومبدانانی قەیسەریەدا ڕاگەیێندرا

بەشی تورکیا- دانیشتنی تاوتوێ کردنی دۆسیەی سەلاحەدین دەمیرتاش و فیگن یوکسداغ، هاوسەرۆکانی پێشووی پارتی دیموکراتیکی گەلان لە حاڵێکدا لە لقی 12ی دادگای قەیسەری بەڕێوەچوو کە ئەم دوو سیاسەتوانە ئەستۆپاکییان لە دۆسیەی پێوەندیدار لەگەڵ بومبدانانی 9ی ئایاری 2015 سەلمێندرا.

بەپێی هەواڵی کوردپرێس، پاش بومبدانان لەسەر ڕێگای هێزە ئەمنییەکانی تورکیا لە قەیسەری، سەلاحەدین دەمیرتاش و فیگن یوکسداغ سەردانی دادگایان کرد و سکاڵایان دژبە ئیبراهیم کولولار سەرۆکی پۆلیسی قەیسەری تۆمار کرد ئەوەش بە بۆنەی خەمساردیی ناوبراو هەمبەر ئەو ڕووداوە، بەڵام دادگا بەدواداچوونی بۆ دۆسیەکە نەکرد و ئەمجارە دۆسیەیێک دژ بە هاوسەرۆکانی هەدەپە ئەوەش بە بۆنەی "تۆمەت"خستەنە پاڵ سەرۆکی پۆلیسی تورکیا تۆمار کرا و دەزگای دادی تورکیا بەدواداچوونی بۆ کرد.

حوکمی ئەستۆپاکی لەم دۆسیەدا لە حەڵێکدا دەرکرا کە سەلاحەدین دەمیرتاش و فیگن یۆکسداغ کەسیان نەیانتوانی لە دانیشتنەکەدا ئامادە بن.

سەرچاوە: هابرتورک

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه