00:51 PM   IRAQ
WEDNESDAY, 22 MAY 2019
 به په‌له |◀   ڕۆحانی: ئێران سەر بۆ ملهوڕان دانانەوێنێت
THURSDAY, 16 MAY 2019 - 16:19
پارێزگاری کوردستان: کێشەی نەکردنەوەی دەروازەی سەیف لەلایەن عێراقەوەیە

بەشی کورستان- پارێزگاری کوردستان لە وەڵامی پرسیارێکدا لەبارەی هۆکاری نەکردنەوەی دەروازەی سەیف-ی سەقز و سەیرانبەن-ی بانە ڕایگەیاند: لەلایەن ئێرانەوە کێشەیێک بۆ کردنەوەی ئەم دوو سنوورە نییە و کێشەکان لەلایەن حکوومەتی عێراقەوەیە.

بەپێی هەواڵی کوردپرێس، نووسینگەی ڕاگەیاندنی پارێزگاریی کوردستان ڕایگەیاند: بەهمەن مورادنیا لەگەڵ ئەندامانی ژووری بازرگانیی شاری سنە کۆ بوویەوە و داوای لە ئەندامانی ژوورەکە کرد پشتگیری لە بەڕێوەبەرانی دەست پاک و بوێر بکەن بەمەبەستی گەشەدان بە ئابووری پارێزگا.

لە درێژەی دانیشتنەکەدا بەهمەن مورادنیا لە وەڵامی داخوازیی ژمارەیێک لە بازرگانان بۆ کردنەوەی دەروازەی سنووری سەیرانبەنی بانە و سەیفی سەقز وتی: لەلایەن دەوڵەتی ئێرانەوە هیچ کێشەیێک بۆ کردنەوەی سنوورەکان نەماوە و تەنها حکوومەتی عێراق هەندێک کێشە و پارێزبەندیی هەیە.

لە کۆتاییدا پارێزگاری کوردستان داوای لە بازرگانانی کوردستان کرد بەرهەمەکانی پارێزگا لە پێشانگانی نێونەتەوەییەکان بەتایبەت لە هەرێمی کوردستان بەشێوەیێکی بەرچاو بنوێنن.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه