00:39 PM   IRAQ
MONDAY, 17 JUNE 2019
 به په‌له |◀   بەپێی ڕاپرسییەکان ئیمام ئۆغڵۆ 5.6 لەسەد پێش یڵدرم کەوتووە
TUESDAY, 11 JUNE 2019 - 10:10
وەزیری دەرەوەی ڕووسیا: تورکیا بەڵێنەکانی لەبارەی سووریاوە زووتر جێبەجێ بکات

بەشی سووریا- سێرگی لاڤرۆف، وەزیری دەرەوەی رووسیا لە وتەکانیدا ئاماژە بە دوا گۆڕانکارییەکان لە ئیدلیب دەدات و لەبارەی زیاد بوونی گرژییەکان و پێکدادانەکان هۆشداری دەداتە تورکیا.

بەپێی هەواڵی کوردپرێس، سێرگی لاڤرۆف، وەزیری دەرەوەی رووسیا لەبارەی ئەو ئیدیعایە کە باس لە پڕچەک کردنی هێزە دژبەرەکانی سووریا لە لایەن تورکیاوە دەکات وتی: لەبارەی ئەمەی کە تورکیا چەکی بۆ میلیشیاکان ناردبێت هیچ زانیاریێک بە ئێمە نەگەیشتووە. ئێمە چاوەڕوان دەکەین تورکیا بەڵێنەکانی خۆی لە ڕێککەوتننامەی سوچی لەبارەی جوداکردنەوەی تیرۆریستەکان لە دژبەرانی حکوومەتی ناوەندیی سووریا بەزووترین کات جێبەجێ بکات. ئەگی نا وەڵامێکی ڕووخێنەرمان بۆ هێرشی تیرۆریستەکان لە ئیدلیبەوە دەبێت.

ناوبراو لەدێژەی وتەکانیدا ئاشکراشی کرد: "هەواڵێکمان پێنەگەیشتووە سەبارەت بەوەی کە تورکیا بۆ گرووپی تیرۆریستیی تەحریر الشام چەکی ناردبێت. لەبارەی ئەمەیش کە سەرچاوەی سەرەکیی چەکەکان لە کوێیە و لەلایەن چ کەسانێکەوە دێت زانیاریی متمانەپێکراومان پێنەگەیشتووە. لە ئیدلیب چەکی ڕۆژئاوایی زۆر بینراوە.

سەرچاوە: سپۆتنیک

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه