08:13 PM   IRAQ
MONDAY, 26 AUGUST 2019
 به په‌له |◀   حكوومەتی هەرێم ناتوانێت بڕیاری كۆتایی لە دۆسیەی نەوت بدات
WEDNESDAY, 12 JUNE 2019 - 11:28
توركیا شه‌وانه‌ كاروانێكی سه‌ربازیی دیكه‌ به‌ره‌و سووریا ده‌جووڵێنێت

به‌شی تورکیا- سوپای تورکیا شه‌وانه‌ کاروانێکی سه‌ربازیی دیکه‌ی ئۆتۆمبێلی زرێپۆشی له‌ سنووری لقی زه‌یتوونه‌وه‌ به‌ره‌و سووریا جووڵاند.

کوردپرێس:

به‌ گوێره‌ی ئه‌و زانیارییانه‌ی له‌ سه‌رچاوه‌ ئه‌منییه‌کانه‌وه‌ ده‌ست که‌وتووه‌، سوپای تورکیا شه‌وانه‌ کاروانێکی سه‌ربازی پێکهاتوو له‌ ئۆتۆمبێلی زرێپۆشی له‌ ڕێگای سنووری لقی زه‌یتوونه‌وه‌ ڕه‌وانه‌ی سه‌ر سنووره‌کانی له‌گه‌ڵ سووریا کرد.

زانیارییه‌کان باس له‌وه‌ ده‌کات که‌ کاروانه‌ سه‌ربازییه‌که‌ له‌ سه‌ره‌تادا گه‌یشتۆته‌ سنووری کۆملۆ له ناوچه‌ی‌ کریکخانی پارێزگای هاتای و دواتر له‌ سنووری لقی زه‌یتوونه‌وه‌ (سنوورێکی نوێ که‌ له‌مدواییانه‌دا له‌لایه‌ن تورکیاوه‌ له‌ باکووری سووریا دروست کراوه‌) چۆته‌ ناو خاکی سووریا.

ئامانج له‌ ڕه‌وانه‌کردنی ئه‌م کاروانه‌ سه‌ربازییه‌ بۆ خاکی سووریا پشتیوانی له‌ یه‌که‌ سه‌ربازییه‌کانی سوپای تورکیا ڕاگه‌یێندراوه‌.

شایانی باسه‌؛ ئه‌م جووڵه‌ سه‌ربازییه‌ی تورکیا له‌ سنووره‌کانی سووریا له‌ حاڵێکدا ئه‌نجام ده‌درێت که‌ له‌ ماوه‌ی چه‌ند هه‌فته‌ی ڕابردوودا بنکه‌کانی سوپای تورکیا له‌ ناوچه‌ی ته‌ل ڕه‌فعه‌ت له‌ باشووری عه‌فرین کراونه‌ته‌ ئامانج.

چه‌ند ڕۆژ پێش ئێستا تورکیا چه‌ندین ئۆتۆمبێلی زرێپۆشی دیکه‌ی به‌ره‌و سنووره‌کانی سووریا جووڵاندبوو.

سه‌رچاوه‌: هه‌واڵده‌ریی هابر 7

 

هه‌واڵی پێوه‌ندیدار:

http://kurdpress.com/ku/details.aspx?id=46313

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه