07:36 PM   IRAQ
THURSDAY, 18 JULY 2019
 به په‌له |◀   کاردانەوەی وەزارەتی دەرەوەی تورکیا و سەرۆک کۆماری ئەو وڵاتە بە هێرشە چەکدارییەکەی هەولێر
MONDAY, 17 JUNE 2019 - 12:23
وه‌زیری ده‌ره‌وه‌ی تورکیا: هه‌رگیز چاوپۆشی له‌‌ هێرشی ده‌وڵه‌تی ناوه‌ندیی سووریا بۆ سه‌ر ئیدلب ناکه‌ین

به‌شی تورکیا- وه‌زیری ده‌ره‌وه‌ی تورکیا ئاماژه‌ی به‌ هێرشی ده‌وڵه‌تی ناوه‌ندیی سووریا بۆ سه‌ر بنکه‌ سه‌ربازییه‌کانیان له‌ ئیدلب کرد و ڕای‌گه‌یاند: هه‌رگیز چاوپۆشی له‌ هێرشی ده‌وڵه‌تی ناوه‌ندیی سووریا بۆ سه‌ر سه‌ربازه‌کانمان له‌ ئیدلب ناکه‌ین.

به‌پێی هه‌واڵی کوردپرێس، مه‌ولوود چاووشئۆغڵۆ وه‌زیری ده‌ره‌وه‌ی تورکیا له‌ میانی به‌شداری کردنی له‌ ڕێوڕه‌سمی کردنه‌وه‌ی لقی وه‌زاره‌تی ده‌ره‌وه‌ی تورکیا له‌ شاری ھاتای وتارێکی پێشکه‌ش و باسی له‌ دواپێشهاته‌کانی سووریا له‌سه‌ر ته‌وه‌ری ئیدلب کرد و گوتی:  "ئه‌سته‌مه‌ گێچه‌ڵی ده‌وڵه‌تی ناوه‌ندیی سووریا (ھێرش کردن) به‌ ئاراسته‌ی سه‌ربازه‌کانمان قبووڵ بکه‌ین. سنووریان بۆ داده‌نێین. ھه‌موو که‌سێک ده‌بێ سنووری خۆی بزانێت".

ناوبراو زیادی کرد: "ناكرێ قبووڵی ئه‌و ھه‌ڵوێسته‌ ھێرشبه‌رانه‌ی ده‌وڵه‌تی ناوه‌ندیی سووریا بکه‌ین و ئه‌مه‌ پێچه‌وانه‌ی ڕێککه‌وتنی ئیدلبه‌ که‌ له‌گه‌ڵ ڕووسیا واژۆمان له‌سه‌ر کردووه‌. ڕاگرتنی ده‌وڵه‌تی ناوه‌ندیی سووریا ده‌بێته‌ به‌رپرسیارێتیی ئێران و ڕووسیا که‌ پێکه‌وه‌ له‌ پرسی سووریادا ھه‌ماھه‌نگی یه‌کترین چوونکه‌ ھه‌ردووکیان گه‌ره‌نتیکاری ده‌وڵه‌تی سووریان."

سه‌رچاوه‌: ته‌له‌فزیۆنی NTV

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه