07:06 PM   IRAQ
WEDNESDAY, 19 SEPTEMBER 2018
 به په‌له |◀   هادی عامری بە فەرمی ڕایگەیاند کاندید نابێت بۆ پۆستی سەرۆکوەزیرانی عێراق
قوربانییانی هەڵەبجە کۆمپانیا ئەڵمانییەکان دەدەنە دادگا

به‌شی عێراق و هه‌رێمی کوردستان- ‌رێکخراوی قوربانییانی هەڵەبجە سکاڵای یاسایی دژی ژمارەیێک کۆمپانیای ئەڵمانی تۆمار کرد و داوای ملیاران دۆلار قەرەبوو دەکات.

به‌پێی هه‌واڵی کوردپرێس، رۆژی سێشەممە 13-3-2018 رێکخراوی قوربانیانی هەڵەبجە گردبوونەوەیێکی رێکخست. هەمانکات لە دادگای بەرایی هەڵەبجەش سکاڵای لەسەر چەند کۆمپانیایێکی ئەڵمانی تۆمار کرد و ناوەکانی راده‌ستی دادگاکە کرد، بە تۆمەتی ئەوەی هاوکار بوون لە کیمیاباران کردنی خەڵکی هەڵەبجە لە 16-3-1988.

سکاڵاکە کە لە لایەن کۆمپانیایێکی یاساییی نێودەوڵەتییەوە جووڵێنراوە، وەک قەرەبوو داوای ملیاران دۆلار بۆ قوربانییان و رزگاربووانی جینۆسایدی هەڵەبجە دەکات.

بڕی ئەو قەرەبووەى لە کۆمپانیاکان داوا دەکرێت، بەپێی کەیسی کەسەکان دەگۆڕێت، کە لە نێوان یەک بۆ حەوت ملیۆن دۆلارە بۆ هەر قوربانییەک.

پارێزەر گاڤی ماریەون دەڵێت: ماوەى 10 ساڵە کار لەسەر ئەو کەیسە دەکەن لە ئەوروپا، ئێستا بەو بڕوایە گەیشتوون کە بەشی پێویست بەڵگەیان لەبەردەستە بۆ بردنەوەی کەیسەکە لە دادگاکانی ناوخۆی کوردستان و دەرەوە.

ئەو تۆمەتانەى دراونەپاڵ کۆمپانیا ئەڵمانییەکان بریتین لە "تاوانی جینۆساید، تاوانی شەڕ و تاوان لە دژی مرۆڤایەتی".

سه‌رچاوه‌: ڕووداو

 

کۆدی هه‌واڵنێر: 60104

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه