05:40 PM   IRAQ
SATURDAY, 25 NOVEMBER 2017
 الأخبار |◀   بێگومان PYD بانگهێشتی دانیشتنی ڕووسیا دەکرێت
هاوسه‌رۆکی پارتی یه‌کێتیی دیموکراتیکی سووریا:
ده‌ستێوه‌ردانی تورکیا له‌ سووریا کێشه‌کانی زیاد کردووه‌/ لێدوانی وته‌بێژی سه‌رۆک کۆماری تورکیا قبووڵ ناکرێت

به‌شی سووریا- شاهۆز حه‌سه‌ن هاوسه‌رۆکی پارتی یه‌کێتیی دیموکراتیکی سووریا ڕه‌خنه‌ له‌ لێدوانی وته‌بێژی سه‌رۆک کۆماری تورکیا ده‌گرێت که‌ وتبووی نابێت PYD بۆ کۆنگره‌ی گه‌لانی سووریا له‌ ڕووسیا بانگهێشت بکرێت و ڕاشی‌ده‌گه‌یێنێت ده‌ستێوه‌ردانی تورکیا له‌ سووریا کێشه‌کانی ئه‌و وڵاته‌ی زیاد کردووه‌.

به‌پێی هه‌واڵی کوردپرێس، شاهۆز حه‌سه‌ن هاوسه‌رۆکێکی PYD له‌ لێدوانێکدا سه‌ره‌ڕای ڕه‌خنه‌گرتن له‌ لێدوانه‌کانی ئه‌مدواییه‌ی ئیبراهیم کالین وته‌بێژی سه‌رۆک کۆماری تورکیا سه‌باره‌ت به‌ هه‌ڵپه‌ساردنی کۆنگره‌ی گه‌لانی سووریا له‌ ڕووسیا و بانگهێشت نه‌کردنی PYD بۆ ئه‌و کۆنگره‌یه‌ ڕای‌گه‌یاند: وته‌بێژی سه‌رۆک کۆماری وڵاتێک له‌ زاری وڵاتێکی دیکه‌وه‌ قسه‌ ده‌کات. وته‌بێژی سه‌رۆک کۆماری تورکیاش به‌ نوێنه‌رایه‌تیی ڕووسیا قسه‌ ده‌کات و له‌ بابه‌ته‌کیش ده‌دوێت که‌ پێوه‌ندیی به‌ سووریاوه‌ هه‌یه‌. ده‌وڵه‌تی تورکیا له‌ هه‌لومه‌رجێکدایه‌ که‌ نازانێت چی ئه‌کات. وا ده‌زانێت به‌ ئاسانی ده‌توانێت له‌ هه‌موو شوێنێکدا ده‌ستوه‌ردان بکات.

ناوبراو له‌ درێژه‌ی لێدوانه‌که‌یدا ئاشکراشی کرد: ده‌ستێوه‌ردانی حکوومه‌تی تورکیا له‌ کاروباری ناوخۆی سووریا کێشه‌کانی ئه‌و وڵاته‌ زیاتر ده‌کات. ئێمه‌ ئه‌و لێدوانه‌ی وته‌بێژی سه‌رۆک کۆماری تورکیا به‌ هیچ له‌ونێک قبووڵ ناکه‌ین. ئێمه‌ ئامانجی ئه‌و لێدوانه‌ به‌وه‌ هه‌ڵده‌سه‌نگێنین که‌ هه‌وڵی زیاد کردنی کێشه‌ و ناکۆکییه‌کانی نێوخۆی سووریا ده‌دات بۆیه‌ش ناچارین پێش به‌ هه‌موو ده‌ستێوه‌ردانێک بگرین که‌ له‌ ده‌ره‌وه‌ی سووریا ئه‌نجام ده‌بێت. ئه‌گه‌ر توانیمان ئه‌وه‌ بکه‌ین ئه‌وا چاره‌سه‌رێکی ئاسانتر بۆ قه‌یرانی سووریا ده‌بێت.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه