03:10 PM   IRAQ
MONDAY, 22 JULY 2019
 به په‌له |◀   مەسعوود بارزانی: هەرێمی کوردستان نابێتە پێگەیێک بۆ تیرۆریستان
THURSDAY, 11 JULY 2019 - 12:41
له‌یلا گیوڤه‌ن له‌ په‌رله‌مان سوێندی یاساییی خوارد و ده‌ستبه‌كار بوو

بەشی تورکیا- له‌یلا گیوڤه‌ن هاوسه‌رۆكی كۆنگره‌ی كۆمه‌ڵگه‌ی دیموكراتی (كه‌جه‌ده‌) له‌ په‌رله‌مانی توركیا سوێندی په‌رله‌مانتاریی خوارد و ده‌ستبه‌كار بوو.

کوردپرێس:

له‌یلا گیوڤه‌ن پاش زیاتر له‌ ساڵێك هه‌ڵبژاردنی وه‌ك په‌رله‌مانتاری شاری جۆله‌مێرگ-ی پارتیی دیموكراتیی گه‌لان (هه‌ده‌په‌)، رۆژی چوارشه‌ممه 10ی تەمووزی 2019‌ له‌ میانی دانیشتنی په‌رله‌مانی توركیا سوێندی په‌رله‌مانتاریی خوارد و ده‌ستبه‌كار بوو.

پاش ئه‌وه‌ی گیوڤه‌ن سوێندی یاسایی خوارد، په‌رله‌مانتارانی هه‌ده‌په‌ و جه‌هه‌په‌ (پارتیی گه‌لی كۆماری) به‌ چه‌پڵه‌ پێشوازییان لێ كرد.

له‌یلا گیوڤه‌ن رۆژی 31ی كانوونی دووه‌می 2018 زیندانی كرا، له‌ هه‌ڵبژاردنی 24ی حوزه‌یرانی هه‌مان ساڵ له‌كاتێكدا له‌ زیندان بوو، وه‌ك په‌رله‌مانتاری هه‌ده‌په‌ هه‌ڵبژێردرا، پاش 10 مانگ مانه‌وه‌ له‌ زیندان، گیوڤه‌ن له‌ دژی گۆشه‌گیریی سه‌ر عه‌بدوڵڵا ئۆجه‌لان رێبه‌ری په‌كه‌كه‌ ده‌ستی به‌ مانگرتنی بێسنوور له‌ خواردن كرد و  له‌ 79ه‌مین ڕۆژی چالاكییه‌كه‌ی ئازاد كرا، به‌ڵام له‌ ماڵه‌كه‌ی خۆی درێژه‌ی به‌ مانگرتن دا و پاش  200 ڕۆژ له‌ مانگرتن، له‌سه‌ر داوای ئۆجه‌لان كۆتایی به‌ چالاكییه‌كه‌ی هێنا.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه