03:07 PM   IRAQ
MONDAY, 22 JULY 2019
 به په‌له |◀   مەسعوود بارزانی: هەرێمی کوردستان نابێتە پێگەیێک بۆ تیرۆریستان
THURSDAY, 11 JULY 2019 - 16:42
عێراق داوای کارکردن بە ڕێککەوتنە ئەتۆمییەکەی ئێران دەکات

بەشی عێراق و هەرێمی کوردستان- وه‌زاره‌تى ده‌ره‌وه‌ى عێراق، وازهێنان له‌ رێككه‌وتنه‌ ئه‌تۆمیه‌كه‌ى ئێران به‌ كاره‌ساتێک ده‌زانێت كه‌ كاریگه‌ریى خراپى له‌سه‌ر هه‌موو وڵاتانى دراوسێى ئێران ده‌بێت.

کوردپرێس: وه‌زاره‌ته‌كه‌ له‌ به‌یاننامه‌یێكدا ده‌ڵێت: "به‌كر فه‌تاح نوێنه‌رى هه‌میشه‌یى عێراق له‌ ئاژانسى نێوده‌وڵه‌تیى وزه‌ى ئه‌تۆم، به‌شداریى كۆبوونه‌وه‌یێكى نائاسایى ئاژانسه‌كه‌ى كردووه‌ كه‌ تایبه‌ت بووه‌ به‌ رێككه‌وتنه‌ تۆمییه‌كه‌ى ئێران و له‌ ڤیه‌ننا به‌ڕێوه‌چووه‌".

له‌و كۆبوونه‌وه‌یه‌دا، وه‌ک به‌یاننامه‌كه‌ى وه‌زاره‌تى ده‌ره‌وه‌ى عێراق روونیكردووه‌ته‌وه‌، به‌كر فه‌تاح پشتگیریى عێراقى بۆ پلانى كارى گشتگیریى هاوبه‌ش (JCPOA) دووپات كردووه‌ته‌وه‌ و رایگه‌یاندووه‌: "پێویسته‌ كارى ئه‌و پلانه‌ به‌رده‌وام بێت چوونكه‌ ده‌ستكه‌وتێكى دیپلۆماسیى هه‌موو لایه‌نه‌كانه‌ و وازلێهێنانى ره‌نگه‌ كاره‌ساتێكه‌ ترسناک به‌سه‌ر هه‌موو وڵاتانى دراوسێى ئێراندا بهێنێت".

نوێنه‌ره‌ هه‌میشه‌ییه‌كه‌ى عێراق له‌ ئاژانسى نێوده‌وڵه‌تیى وزه‌ى ئه‌تۆم داواى گه‌ڕانه‌وه‌ى لایه‌نه‌كانى كردووه‌ بۆسه‌ر مێزى گفتوگۆ بۆ تێپه‌ڕاندنى قه‌یرانه‌كه‌.

سەرچاوە: ماڵپەڕی دواڕۆژ

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه