02:01 PM   IRAQ
THURSDAY, 19 SEPTEMBER 2019
 به په‌له |◀   عەبدولمەهدی داوا لە حه‌شدی شه‌عبی دەکات له‌ سنووره‌كانی سعوودیه‌ بکشێتەوە
THURSDAY, 11 JULY 2019 - 17:37
عێراق ڕوفاتی 44 شەهیدی سەردەمی شەڕ ڕادەستی ئێران دەكاتەوە

بەشی ئێران- عێراق لە مەرزی سنووری شەلامچەی نێوان هەردوو وڵات، ڕوفاتی 44 شەهید ڕادەستی لایەنی ئێران دەكاتەوە كە قوربانی جەنگی عێراق-ئێرانن.

کوردپرێس: بەپێی بەیاننامەیێک كە ئەمڕۆ پێنجشەممە، لەلایەن دەزگای مەرزە سنوورییەكانی عێراقەوە بڵاوكرایەوە: "عێراق ڕوفاتی 44 شەهیدی جەنگى ئێران و عێراق ڕادەستی ئێران كردەوە، پرۆسەكەش بە سەرپەرشتی بەڕێوەبەرایەتی وەرگرتن و ڕادەستكردنی شەهیدان و بەڕێوەبەرایەتی مافەكانی مرۆڤی سەر بە وەزارەتی بەرگریی عێراق و بە ئامادەبوونی لیژنەی نێودەوڵەتی خاچی سوور بەڕێوەچوو".

هەر لە بەیاننامەكەدا هاتووە "لەنێوان 44 ڕوفاتەكەدا، 21یان ناسراونەتەوە و 23 ڕوفاتى تريان نەناسراون، و لە پرۆسەكانی هەڵكۆڵینی هاوبەش لەنێوان هەردوو وڵاتدا لە پارێزگەكانی بەسرە و میسان دۆزراونەتەوە".

ناوبەناو مەراسیمی ئاڵوگۆڕی ڕوفاتی قوربانیانی جەنگی عێراق- ئێران لەنێوان هەردوو وڵاتدا ئەنجام دەدرێت كە لە ساڵی 1980 دەستیپێكرد و هەشت ساڵ بەردەوام بوو.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه