05:41 PM   IRAQ
SATURDAY, 25 NOVEMBER 2017
 الأخبار |◀   بێگومان PYD بانگهێشتی دانیشتنی ڕووسیا دەکرێت
نێچیرڤان بارزانی: لەگەڵ بەرپرسانی ئێران لە سەر خەتم و بەڵێنیان داوە سەرجەم دەروازەکان بکەنەوە

بەشی عێراق و هەرێمی کوردستان- نێچیرڤان بارزانی، سەرۆک وەزیرانی هەرێمی کوردستان، لە دوای کۆبوونەوەی ئەنجومەنی وەزیران لە بارەی رەشنووسی بودجەی عێراق لە کۆنگرەیێکی رۆژنامەڤانیدا لە هەولێر رای گەیاند، ئەم مانگە و مانگی داهاتووش مووچەی فەرمانبەران ئامادەیە و دابەش دەکرێت.

بەپێی هەواڵی کوردپرێس، نێچیرڤان بارزانی ڕاشی گەیاند: تێبینییەکانمان لە بارەی بودجە بۆ عەبادی ناردوون و ئەو بڕگانەمان دیاری کردوون کە پێمان وایە دەستووریان تێدا پێشێل کراوە.

بارزانی لە بارەی کردنەوەی دەروازەکانیش گوتی: "لەگەڵ بەرپرسانی ئێران لە سەر خەتم و بەڵێنیان داوە سەرجەم دەروازەکان بکەنەوە، چوونکە ئێمە پێمان وایە کردنەوەی دەروازەکان لە بەرژەوەندیی هەردوولایە".

لە بارەی بڕیاری دادگای فیدراڵیش لە سەر گشتپرسی نێچیرڤان بارزانی رای گەیاند:  بەپێی دەستوور هیچ پێکهاتەیێک مافی جیابوونەوەی لە عێراق نییە و بە وردی خوێندنەوەمان بۆ بڕیارەکە کردووە و لە رۆژانی داهاتوودا بەفەرمی وەڵامی دەدەینەوە.

سەرۆکی حکوومەتی کوردستان سەبارەت بە گفتوگۆ کردن لەگەڵ بەغداش رای گەیاند: "تێبینییەکانمان لە بارەی بودجە بۆ عەبادی ناردوون و ئەو بڕگانەمان دیاری کردوون کە پێمان وایە دەستووریان تێدا پێشێل کراوە،  هیچ وادەیێک بۆ دەست پێکردنی گفتوگۆ لەگەڵ بەغدا دیار نییە و هیچ کاتێکیش بۆ چوونی شاندی کوردستان بۆ بەغدا دیاری نەکراوە".

بارزانی لە بارەی رۆڵی ئەمریکاش لە چارەسەر کردنی کێشەکان وتی: بەداخەوە ئەمریکا لە جیاتی راگرتنی هاوسەنگی، زیاتر لایەنگریی بەغدا دەکات.

هەر لە کۆنگرەکەدا نێچیرڤان بارزانی رای گەیاند: "پێشوازی لە پڕۆەکەی بزووتنەوەی گۆڕان دەکەین و ئامادەین بۆ گفتوگۆ، بڕیارە وەک حیزبیش پارتی سەردانی گۆڕان بکات".

سەرچاوە: تۆڕی میدیاییی ڕووداو

 

کۆدی هه‌واڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه