00:56 PM   IRAQ
SATURDAY, 14 DECEMBER 2019
 به په‌له |◀   YPG ئێستاش کار بۆ دەستەبەرکردنی ئیدارەی خۆسەر دەکات
TUESDAY, 13 AUGUST 2019 - 19:59
پێنتاگۆن: ڕێککەوتنەکەمان لەگەڵ تورکیا نیگەرانییەکانی ئەو وڵاتە دەڕەوێنێتەوە

بەشی سووریا- وەزارەتی بەرگریی ئەمریکا ڕایگەیاند لێکتێگەیشتنیان لەگەڵ تورکیا لەبارەی باکووری خۆرهەڵاتی سووریا میکانیزمێکی ئەمنی بە درێژاییی سنوورەکەی تورکیا و سووریا دەستەبەر دەکات و نیگەرانییەکانی ئەنقەرە لە مەرزەکانیشی دەڕەوێنێتەوە.

کوردپرێس:

وەزارەتی بەرگریی ئەمریكا (پێنتاگۆن) لە وەڵامی پرسیارێكی رووداو لە واشنتن، رایدەگەیێنێت كە لەگەڵ توركیا گەیشتوونەتە "لێكتێگەیشتنێكی سەرەتایی" سەبارەت بە " میكانیزمێكی ئەمنی بە درێژاییی سنوورەكان لەگەڵ توركیا"، كە بە باوەڕیی ئەمریكا ئەوە نیگەرانییەكانی توركیا دەڕەوێنێتەوە و دەبێتە هۆی ئەوەی هێزەكانی سووریای دیموكراتیش لەجیاتی سەرقاڵبوون بە مەترسی هێرشی توركیاوە روویان لە پاراستنی ناوچەكە بێت لە داعش.

وەزارەتی بەرگریی ئەمریكا، كە سەرلەبەیانی ئەمڕۆ بەكاتی هەولێر، بەشێوەی نووسراو وەڵامی پەیامنێری تۆڕی میدیایی رووداوی داوەتەوە، بەهیچ شێوەیەك وەڵامی ئەو دەنگۆیەی نەداوەتەوە كە باسی چوونی 90 سەربازی ئەمریكی دەكات بۆ توركیا بە مەبەستی جێبەجێكردنی ئەو لێكتێگەیشتنە سەرەتاییە.

هەر لە وەڵامەکەی وەزارەتی بەرگریدا سەبارەت بە گفتوگۆ سەربازییەکانی واشەنتن و ئەنقەرە نووسراوە: لە رێگەی گفتوگۆ سەربازییەكانی هەفتەی رابردووەوە لە ئەنقەرە، گەیشتینە لێكتێگەیشتنێكی سەرەتایی سەبارەت بە میكانیزمێكی ئەمنی بە درێژایی سنوورەكان لەگەڵ توركیا، ئەمەش چارەسەری نیگەرانییە ئەمنییەكانی توركیا دەكات. لە هەمانكاتدا ئەمە دەبێتە هۆی پارێزگاریكردن لە ئاسایشی باكووری رۆژهەڵاتی سووریا تاوەكوو داعش نەتوانێ دووبارە بگەڕێتەوە.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه