10:55 PM   IRAQ
SATURDAY, 23 JUNE 2018
 به په‌له |◀   فاینانشیاڵ تایمز: ئه‌ردۆغان ڕۆژی یه‌كشه‌ممه‌ قوماره‌كه‌ ده‌دۆڕێنێ
باڵوێزی ئێران لە بەغدا ڕێژەی بازرگانیی نێوان ئێران و عێراق ئاشکرا دەکات

بەشی ئێران/ کوردی- باڵوێزی کۆماری ئیسلامیی ئێران لە بەغدا ڕێژەی بازرگانیی نێوان ئێران و عێراق ئاشکرا دەکات و ڕەقەمەکەش زیاترە لە 10 ملیار دۆلار.

بەپێی هەواڵی کوردپرێس ئیرەج مەسجدی شەوی چوارشەمە لەگەڵ فەرمانبەرە ئێرانی و عێراقییەکانی باڵوێزخانەی ئێران لە بەغدا بەربانگی کرد و لە لێدوانێکدا ڕایگەیاند ڕێژەی ئاڵوگۆڕی بازرگانیی نێوان ئێران و عێراق گەشتۆتە ڕەقەمی 10 ملیار دۆلار.

ناوبراو جەختی کردە سەر پشتگیری کردنی ئێران لە حکوومەت و گەلی عێراق و گوتیشی ئێران بەشداری دەکات لە پڕۆسەی ئاودانکردنەوەی عێراقی پاش شەڕی داعش.

مەسجدی دووپاتیشی کردەوە ئێران ئامادەیە بۆ فراوان کردنی هاوکاریی بازرگانی و سەرمایەدانەریی بازرگانانی ئێران و بەتایبەت لە دوو کەرتی کارەبا و غاز، ئەوەش لە بەر هاوبەشیی کەلتووری و مێژوویی و سیاسیی نێوان گەلانی ئێران و عێراق.

باڵوێزی ئێران لە بەغدا ڕێژەی ئەو زیارەتکارانەشی ئاشکرا کرد کە ساڵانە سەردانە شوێنەوارە پیرۆزەکانی عێراق دەکەن و ڕەقەمەکەش زیاتر لە 6 ملوێن کەس بوو.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه