15:21 PM   IRAQ
MONDAY, 16 SEPTEMBER 2019
 به په‌له |◀   مووسەوی: هیچ پلانێک بۆ کۆبوونەوەی نێوان سەرۆک کۆمار و ترەمپ بوونی نییە
WEDNESDAY, 11 SEPTEMBER 2019 - 09:23
شه‌ڕێکی قورس له‌ نێوان هێزه‌کانی تورکیا و PKK له‌ پارێزگا کوردنشینه‌کان ڕووی دا

به‌شی تورکیا- هاوکات له‌گه‌ڵ به‌رزبوونه‌وه‌ی ململانێی نێوان ده‌سه‌ڵاتدارانی تورکیا و لایه‌نه‌ کوردییه‌کانی ئه‌و وڵاته‌، هێزه‌ ئه‌منییه‌کانی تورکیا شه‌ڕێکی قورسیان له‌ پارێزگا کوردنشینه‌کان دژی هێزه‌کانی په‌که‌که‌ ده‌ستپێکرد.

به‌پێی هه‌واڵی کوردپرێس، هاوکات له‌گه‌ڵ به‌رزبوونه‌وه‌ی ته‌نگه‌ژه‌ی نێوان ده‌سه‌ڵاتدارانی تورکیا و لایه‌نه‌ کوردییه‌کانی ئه‌و وڵاته‌، هێزه‌کانی ئه‌منییه‌کانی تورکیا شه‌ڕێکی توند و تۆڵیان له‌گه‌ڵ هێزه‌کانی په‌که‌که‌ له‌ پارێزگا کوردنشینه‌کان واتا دیاربه‌کر- ماردین و جۆله‌مێرگ ئه‌نجام دا.

به‌ دوای کوژرانی سه‌ربازێکی تورکیا به‌ بۆنه‌ی ته‌قینه‌وه‌ی بۆمبێکی چێنراو له‌سه‌ر ڕێگای کاروانی سه‌ربازیی سوپای تورکیا له‌ جۆله‌مێرگ هه‌واڵه‌کان باس له‌ پێکدادانی سه‌ربازیی نێوان سوپای تورکیا و په‌که‌که‌ له‌ ناوچه‌ی گۆرسه‌ی سه‌ر به‌ دیاربه‌کر ده‌که‌ن که‌ له‌و پێکدادانه‌دا دوو هێزی په‌که‌که‌ کوژران.

هه‌روه‌ها به‌ گوێره‌ی ئه‌و زانیارییه‌ی له‌ وه‌زاره‌تی ناوخۆی تورکیا ده‌ست که‌وتووه‌، به‌ دوای ڕاگه‌یاندنی قه‌ده‌غه‌ی هاتوچۆ له‌ ده‌وروبه‌ری ئێلمای سه‌ر به‌ ئارتۆکلۆی پارێزگای ماردین هێزه‌ ئه‌منییه‌کانی تورکیا ئۆپه‌راسیۆنێکی به‌ربڵاویان له‌ ده‌وروبه‌ری ئه‌و ناوچه‌یه‌ له‌گه‌ڵ هێزه‌کانی په‌که‌که‌ ده‌ست پێکرد.

سه‌رچاوه‌: ڕۆژنامه‌ی دیوار

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه