08:12 PM   IRAQ
THURSDAY, 15 NOVEMBER 2018
 به په‌له |◀   سه‌فین دزه‌یی: سزاکانی ئه‌مریکا بۆ سه‌ر ئێران کاریگه‌ریی له‌سه‌ر هه‌رێمی کوردستان ده‌بێت
وه‌زاره‌تى كۆچ و كۆچبه‌ران: ئاواره‌بوونى هاووڵاتییانى پارێزگاكانى باشووری عێراق بۆ هه‌رێمی کوردستان ده‌ستی پێكردوو‌وه‌

به‌شی عێراق و هه‌رێمی کوردستان- به‌ڕێوه‌به‌رى لقى سلێمانى وه‌زاره‌تى كۆچ و كۆچبه‌رانى عێراق ڕای‌گه‌یاند: به‌هۆى خراپى دۆخى ئه‌منیی ناوچه‌كه‌یان و نه‌بوونى خزمه‌تگوزارى ئاواره‌ بوونى هاووڵاتییانى پارێزگاكانى دیاله ‌و ئه‌نبار بۆ سنوورى پارێزگاى سلێمانى ده‌ستی پێكردوووه.

به‌پێی هه‌واڵی کوردپرێس، چیا حسێن به ‌خه‌ندانى ڕاگه‌یاند: به‌هۆى خراپى دۆخى ئه‌منیی ناوچه‌كه‌یان و نه‌بوونى خزمه‌تگوزارى ئاواره ‌بوونى هاووڵاتییانى پارێزگاكانى دیاله‌و ئه‌نبار بۆ سنوورى پارێزگاى سلێمانى ده‌ستی پێكردوووه و له‌ چه‌ند ڕۆژى ڕابردوودا ١٠ خێزان له‌ سنوورى قه‌زاى داقوقه‌وه‌ ڕوویان له‌ سلێمانى كردوووه‌.

ناوبراو ده‌شڵێت: "وه‌كوو به‌رێوه‌به‌رایه‌تییه‌كه‌یان هه‌موو هاوكاریێک بۆ ئه‌و هاووڵاتییانه‌ دابین ده‌كه‌ن كه ‌به‌هۆى خراپى ناوچه‌كانیان له‌ پارێزگاكانى ناوه‌ڕاست و باكوورى عێراقه‌وه‌ ڕوو له ‌پارێزگاى سلێمانى ده‌كه‌ن".

چیا حسێن جه‌ختی کرده‌وه‌: "به‌پێى ئامارێكى به‌ڕێوه‌به‌رایه‌تییه‌كه‌یان نزیكه‌ى ٤٥ هه‌زار خێزان به ‌ئاواره‌كانى که‌رکووک و خورماتووشه‌وه‌ له ‌كه‌مپه‌كانى سنو‌ورى پارێزگاى سلێمانى نیشته‌جێ كراون."

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه