10:41 PM   IRAQ
TUESDAY, 15 OCTOBER 2019
 به په‌له |◀   ڕوانگه‌ی سووری بۆ مافه‌کانی مرۆڤ: هه‌سه‌ده‌ گونده‌کانی سه‌رێکانی کۆنترۆڵ کرده‌وه‌
WEDNESDAY, 9 OCTOBER 2019 - 21:58
هاووڵاتییانی کۆبانێ لە ئامادەباشیدان

بەشی سووریا- هەواڵنێری شەڕ لە باکووری سووریاوە بە کوردپرێسی ڕاگەیاند خەڵکی کۆبانێ لە ئامادەباشیدان و ئەگەرچی دڵەڕاوکێ لای هاووڵاتییانی مەدەنی دروست بووە بەڵام تا ئەم کاتە کەس ماڵی خۆی بە جێ نەهێشتووە.

وڵات ئەحمەو پەیامنێری شەڕ لە ناوچەی ژێردەسەڵاتی کوردی سووریاوە دوایین دۆخی شاری کۆبانێی بۆ کوردپرێس ئاشکرا کرد و ڕایگەیاند تا ئەم کاتەش کەس ماڵ و حاڵی خۆی بەجێ نەهێشتووە ئەوەش لە کاتێکدا هێرشەکانی سوپای تورکیا بەردەوامە و دڵەڕاوکێیێکی زۆر بای هاووڵاتییان دروست بووە.

وڵات ئەحمەو گوتیشی تا ئەم کاتە سێ جار هێرشی تۆپخانەی سوپای تورک بۆ ئەم ناوچەیە ڕووی داوە بەڵام زیان لە هاووڵاتییان نەکەوتووە. فڕۆکە و کۆپتەرەکانی تورکیاش بە بەردەوامی بە ئاسمانی کۆبانێدا دەسووڕێنەوە.

ناوبراو ئاشکراشی کرد شەڕڤانان لە ناوچە جۆربەجۆرەکانی شاری کۆبانێدا جێگیر کراون بەتایبەتی لەو ناوچانەی ئەگەری هێرشی زەمینیی سوپای تورکیا هەیە سەنگەرەکان پتەو کراون.

 

کۆدی هەواڵنێر: 60101

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه