11:25 PM   IRAQ
TUESDAY, 15 OCTOBER 2019
 به په‌له |◀   ڕوانگه‌ی سووری بۆ مافه‌کانی مرۆڤ: هه‌سه‌ده‌ گونده‌کانی سه‌رێکانی کۆنترۆڵ کرده‌وه‌
WEDNESDAY, 9 OCTOBER 2019 - 22:41
ئاڵدار خەلیل تایبەت بۆ کوردپرێس: ئێمە ئامادەی گفتوگۆ لەگەڵ دیمەشقین/ ڕووسیا لە عەفرین پشتی لێکردین

بەشی سووریا- پاش دەستپێکی هێرشی تورکیا بۆ سەر کوردی سووریا، ئاڵدار خەلیل بە کوردپرێسی ڕاگەیاند ئیدارەی خۆسەر ئامادەی گفتوگۆ لەگەڵ دەوڵەتی ناوەندە بەڵام ڕووسیا کە باسی گفتوگۆ لەگەڵ دیمەشقی کردووە لای کورد خۆش ناو نیە و لە مەسەلەی عەفریندا قسەی خۆی شکاند.

کوردپرێس:

ئاڵدار خەلیل هاوسەرۆکی کۆمەڵگەی دیموکراتیکی سووریا لە لێدوانێکدا وەڵامی چەند پرسیاری کوردپرێسی دایەوە و سەبارەت بە هەوڵی دیپڵۆماسییانە بۆ ڕاگرتنی شەڕ لە باکووری سووریا ڕایگەیاند: "لە ئێستادا وەزعەکە باش نیە و ئەمریکا وەفای بۆ بەڵێنەکانی خۆی نەبوو".

پرسیاری ئەوەش لە ئاڵدار خەلیل کرا کە وەزیری دەرەوەی ڕووسیا پێشنیازی کردووە کورد لە دەوڵەتی ناوەند نزیک ببێتەوە چی لەو بارەیەوە دەڵێن؟ ناوبراو لە وەڵامدا ڕایگەیاند: ڕووسیا خاوەنی قسەی خۆی نیە و لە مەسەلەی عەفریندا ناوی زڕا چوونکە ئیلتیزامی بە بەڵێنەکانیەوە نەکرد.

هاوسەرۆکی کۆمەڵگەی دیموکراتیکی سووریا ئاشکراشی کرد: "ئێمە هەر لە سەرەتاوە گوتوومانە ئامادەی دانووستاندنی لەگەڵ دەوڵەتی ناوەندی و ئەمڕۆ بێت و سبەی بێت دەبێ هەر گفتوگۆ بکەین."

ناوبراو زیادی کرد: "ئەگەر دەوڵەتی ناوەند لە گفتوگۆکردن جیدییە دەبێت لە بەرانبەر دەستدرێژییەکانی تورکیا هەست بە بەرپرسیارێتی بکات.

 

کۆدی هەواڵنێر: 60101

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه