20:43 PM   IRAQ
TUESDAY, 15 OCTOBER 2019
 به په‌له |◀   ساڵح موسلیم: ئازادکردنه‌وه‌ی عه‌فرین به‌شێک له‌ ڕێککه‌وتنه‌که‌ی کورده‌ له‌گه‌ڵ ده‌وڵه‌تی سووریا‌
THURSDAY, 10 OCTOBER 2019 - 00:48
هێرشی زەمینیی تورکیا بۆ سەر کوردی سووریا دەستی پێکرد

بەشی سووریا- وەزارەتی بەرگریی تورکیا لە راگەیێندراوێکدا ڕایگەیاند، دەستیان بە هێرشی زەمینی کردووە بۆ سەر کوردستانی سووریا.

کوردپرێس:

 دوای زیاتر لە شەش کاژێر لە دەستپێکردنی ئۆپەراسیۆنی ئاسمانیی سوپای تورکیا بۆ کوردستانی سووریا، وەزارەتی بەرگریی تورکیا لە راگەیێندراوێکدا ئاماژە بەوە دەکات، دەستیان بە هێرشی زەمینی کردووە. بەوپێیەش، تورکیا لە ئاسمان و زەمینەوە هێرش دەکاتە سەر رۆژئاوای کوردستان.

 به‌پێی ئه‌و راگه‌یێندراوه‌ی له‌لایه‌ن وه‌زاره‌تی به‌رگریی توركیا بڵاو كرایه‌وه‌، سوپای توركیا و سوپای ئازادی سووریا له‌ چوارچێوه‌ی ئۆپه‌راسیۆنی "كانی ئاشتی"دا ده‌ستیان به‌ هێرشی وشكانیی له‌ رۆژهه‌ڵاتی فورات کردووە. ئەوەی پێشتریش هەبووە بەتەنها بۆمباران و هێرشی ئاسمانی بووە.

هاوکات روانگەی سووری بۆ مافەکانی مرۆڤ رایگەیاندووە، لە شەش کاژێری یەکەمی ئۆپەراسیۆنەکە لە ناوچەی رۆژهەڵاتی فورات هەشت کەسی سڤیل کوژراون لەنێو کوژراوەکاندا دوو هاوژین و منداڵەکەیان گیانیان لەدەستداوە.

 روانگەی سووری بۆ مافەکانی مرۆڤ ئاماژەی بەوەش کردووە، هێزەکانی سووریای دیموکرات - هەسەدە حەوت شەڕڤانیان شەهید بوون و 28 شەڕڤانی دیکەش بریندار بوونە.

 

کۆدی هەواڵنێر: 60101

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه