10:42 PM   IRAQ
TUESDAY, 15 OCTOBER 2019
 به په‌له |◀   ڕوانگه‌ی سووری بۆ مافه‌کانی مرۆڤ: هه‌سه‌ده‌ گونده‌کانی سه‌رێکانی کۆنترۆڵ کرده‌وه‌
THURSDAY, 10 OCTOBER 2019 - 11:38
چاووشئۆغڵۆ له‌سه‌ر ڕه‌خنه‌گرتنی هه‌ندێک وڵات له‌باره‌ی ئۆپه‌راسیۆنی کانیی ئاشتیی تورکیا هاته‌ده‌نگ

به‌شی تورکیا- وه‌زیری ده‌ره‌وه‌ی تورکیا له‌ لێدوانێکدا کاردانه‌وه‌ی توندی به‌ ڕه‌خنه‌گرتنی هه‌ندێک وڵات وه‌ک عه‌ره‌بستان و فه‌ڕه‌نسا هه‌مبه‌ر ئۆپه‌راسیۆنی کانیی ئاشتی نیشان دا و ئه‌و وڵاتانه‌ی به‌ دووڕوو وه‌سف کرد.

کوردپرێس:

مه‌ولوود چاووشئۆغڵۆ وه‌زیری ده‌ره‌وه‌ی تورکیا له‌ لێدوانێکدا ئاماژه‌ی به‌ ئۆپه‌راسیۆنی کانیی ئاشتیی وڵاته‌که‌ی کرد و گوتی: "ژماره‌یێک له‌ وڵاتان ڕه‌خنه‌ له‌ ئۆپه‌راسیۆنی کانیی ئاشتیی ئێمه‌ ده‌گرن و هه‌ندێک بابه‌ت وه‌ک قه‌یرانی مرۆیی یان لاوازبوونی پڕۆسه‌ی به‌ره‌نگاری له‌گه‌ڵ داعش ده‌خه‌نه‌ڕوو که‌ به‌ته‌واوه‌تی بێ‌بنه‌مایه‌. ئێمه‌ له‌ دووڕوویی ئه‌وانه‌ ماندوو بووین به‌ڵام خۆیان لێی ماندوو نه‌بوون به‌ڵام ئێمه‌ به‌رده‌وام به‌ چاویان داده‌ده‌ین."

وه‌زیری ده‌ره‌وه‌ی توركیا جه‌ختی له‌وه‌ كرده‌وه‌ كه‌ وڵاته‌كه‌ی هه‌ستیاری پێویست له‌باره‌ی دۆخی خه‌ڵكی سڤیل ده‌گرێته‌ به‌ر و ئه‌وه‌شی له‌ هه‌ر دوو ئۆپه‌راسیۆنه‌كانی چله‌ زیتوون و قه‌ڵغانی فورات نیشان داوه‌ و گوتی: ''كێشه‌ی ئێمه‌ تیرۆریستانن. YPG/PYD هه‌وڵ بۆ دابه‌ش‌کردنی سووریا ده‌ده‌ن. با هیچ که‌سێک خۆی نه‌خاته‌ پشت بابه‌تی دیكه‌وه‌ و دژی ئه‌م ئۆپه‌راسیۆنه‌ (ئۆپه‌راسیۆنی كانیی ئاشتی) نه‌وه‌ستێته‌وه‌''.

ناوبراو کاردانه‌وه‌ی به‌ ڕه‌خنه‌گرتنی وڵاتانی که‌نداوی فارس به‌تایبه‌ت عه‌ره‌بستان له‌باره‌ی ئۆپه‌راسیۆنی تورکیا بۆ سه‌ر سووریا نیشان دا و زیادی کرد: ''له‌ یه‌مه‌ن ئه‌وه‌نده‌ خه‌ڵكتان كوشت و برسیتان كردن، ئێستا به‌ چ ڕوویێكه‌وه‌ دژی ئه‌م ئۆپه‌راسیۆنه‌ ده‌وه‌ستنه‌وه‌ و زمان درێژی ده‌كه‌ن؟"

چاووشئۆغڵۆ هه‌وڵه‌كانی فه‌ڕه‌نسای بۆ دروست كردنی ده‌وڵه‌تێک له‌ ناوچه‌كه‌ به ‌بیر هێنایه‌وه‌ و باسی له‌ پێشوازیی ئیمانوێل ماكرۆن سه‌ركۆماری ئه‌و وڵاته‌ له‌ كۆشكی ئێلیزێ له‌ فه‌رمانده‌كانی یه‌په‌گه‌ كرد و گوتی: ''ئێمه‌ پشتئه‌ستوور به‌ پشتیوانیی داراییی هیچ که‌س نیین. خۆمان كاری خۆمان ده‌كه‌ین و ئه‌م ئۆپه‌راسیۆنه‌ كه‌ زۆر گرنگه‌ به‌لامانه‌وه‌ به‌ سه‌ركه‌وتوویی ته‌واوی ده‌كه‌ین''.

سه‌رچاوه‌: ته‌له‌فزیۆنی NTV

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه