بەشی سووریا- ئەندامی ئەنجومەنی نیشتمانیی کورد (ENKS) دەڵێت: سەردانەکەی چەند ڕۆژ پێش ئێستای ژەنراڵ مەکینزی فەرماندەی هێزەکانی ئەمریکا لە ڕۆژهەڵاتی ناوەڕاست بۆ کوردستانی سووریا پەیماێکی هەبوو و تورکەکان تا ئەم کاتەش نەیانتونیوە بۆ هێرش کردنە سەر عەین عیسا کەڵک لە فڕۆکەی جەنگی وەربگرن.

بەشی عێراق و هەرێمی کوردستان- گوتەبێژی حکوومەتی هەرێمی کوردستان، جووتیار عادل: "هێشتا کۆبوونەوە و گفتوگۆکان کۆتایییان پێ نەهاتووە، چونکە کێشەی ئێمە و بەغدا تەنها مووچە و بوودجە نییە، بابەتی ناوچە کوردستانییەکان، پێشمەرگە و شایستە داراییەکانیشە".

بەشی جیهان- ئینفۆرمەد کۆمێنت ئاماژە بە ئەگەر هێرشی دوبارە و چەندبارەی تورکیا بۆ سەر کوردەکانی سووریا بە هۆی گڵۆپی سەوزی ڕووسیا لە عەین عیسا دەکات و دەنووسێت: ئایا دیسان کوردەکانی سووریا لە ژێر تەشوێی ڕووسیا و سنانی تورکیا ورد و خاش دەبن؟

بەشی عێراق و هەرێمی کوردستان- بەرپرسێکی ئەمریکی بە کەناڵی «ئەلجەزیرە»ی وتووە: باڵیۆزی ئەمریکا لە بەغدا ئێستاش لە بینای باڵیۆزخانەکەدا ئامادەیە و ئەو باڵیۆزخانەیە بەشێوەی ئاسایی درێژە بە کارەکانی دەدات.

بەشی سووریا- نوێنەری ئیدارەی خۆسەری کوردستانی سووریا لە هەولێر، دەڵێت: لەسایەی بێدەنگیی ڕووسیا و حکوومەتی ناوەندیی سووریا؛ ئامانجی تورکیا لە هێرش کردنەسەر عەین عیسا دابڕانی ناوچەی جزیرە و کۆبانی لە یەکترە.

بەشی سووریا- سەرۆکی پارتی یەکێتیی لیبراڵی کوردستانی سووریا دەڵێت: لەو هێرشەیدا کە ئەمدواییانە گرووپە توندڕەوەکان بۆسەر عەین عیسا دەستیان پێکردووە ئەوەی کە ڕوون و ئاشکرایە ئەمەیە کە ڕووسیا و تورکیا ڕێککەوتنی ژێربەژێریان لەگەڵ یەک کردووە.

بەشی عێراق و هەرێمی کوردستان- لە دیداری نێوان هاوسەرۆکی یەکێتی لەگەڵ فەرماندەکانی پێشمەرگەی یەکێتیدا باڤڵ تاڵەبانی جەختی کردە سەر زەروورەتی یەکخستنی هێزی پێشمەرگەی هەرێمی کوردستان.

بەشی تورکیا- هاوسەرۆکی هەدەپە وێڕای ئاماژەدان بە بڕیاری دادگای مافی مرۆڤی ئەورووپا لەبارەی زەروورەتی ئازادکردنی دەمیرتاش، گوتی پێویست بوو پاش دەرچوونی ئەو بڕیارە، دەمیرتاش ئازاد بکرایە.

بەشی عێراق وهەرێمی کوردستان- بڕیار وایه‌ دووشەممەى داهاتوو وه‌فدى دانوستانکاری حکوومەتی هەرێم بەسەرۆکایەتیی قوباد تاڵەبانی جێگری سەرۆکی حکوومەت، بچێته‌ په‌رله‌مانى كوردستان ‌و ئه‌نجامى گفتوگۆكان له‌گه‌ڵ حكومه‌ت ‌و ئه‌نجومه‌نى نوێنه‌رانى عێراق ڕونبكاته‌وه‌، بەڕ‌ێوه‌بەری ڕاگەیاندنی پەرلەمانی کوردستانیش زانیارى زیاتر ئاشكراده‌كات.

بەشی عێراق و هەرێمی کوردستان- جێگری سوپاسالاری وەزارەتی پێشمەرگەی حكوومەتی ھەرێمی كوردستان گوتی، لەمەودوا كاری ھاوپەیمانان لە ڕاھێنانەوە بۆ ڕاوێژكاری دەگۆڕدرێت، چونكە ژمارەیەكی زۆری ڕاھێنەریان بۆمان پێگەیاندووە و لەمەوپاش ئەوان ڕاھێنان بە ھێزی پێشمەرگە دەكەن و بۆ ساڵی نوێش بەرنامەیەكی نوێ بۆ مەشقكردن بە پێشمەرگە دانراوە.

بەشی عێراق و هەرێمی کوردستان- ئەحمەد حاجی ڕەشید جەخت دەکاتەوە کە هیچ ڕێککەوتنێک لە نێوان شاندی هەرێم و بەغدا نەکراوە و بڕیاریش نیە بودجە بەو شێوەیەی هاتووە لە پەرلەمان پەسەند بکرێت.

بەشی عێراق و هەرێمی کوردستان- کەناڵی العالم ڕایگەیاند فەرماندەی فەیلەقی قودسی سوپای پاسداران بەسەردانێکی کورت گەشتۆتە بەغدا و لەگەڵ بەرپرسانی باڵای عێراقی دیدار و گفتوگۆی کرد.

بەشی عێراق و هەرێمی کوردستان- حكوومەتی هەرێمی كوردستان داوا دەكات نەتەوە یەكگرتووەكان وەك لایەنی سێیەم لە دانوستانەكانی نێوان هەرێم و بەغدا بەشدار بێت، وەزارەتە پەیوەندیدارەكانیش ڕاسپێردران چاودێری بازاڕەكان بكەن و سنوورێك بۆ گرانكردنی نرخەكان دابنرێت.

بەشی سووریا- وەزارەتی خەزێنەی ئەمریکا، سزای سەپاند بەسەر بانکی ناوەندیی سووریا و 9 کۆمپانیای ئەو وڵاتە.

بەشی عێراق و هەرێمی کوردستان- سەرۆکی حکوومەتی هەرێمی کوردستان لە پەیوەندییێکی تەلەفۆنی لەگەڵ وەزیری دەروەی ئەمریکادا ناکۆکییەکانی نێوان هەولێر و بەغدایان تاوتوێ کرد.

بەشی سووریا- ئەندامێکی پارتی دیموکراتی کوردستانی سووریا (P.D.K.S) دەڵێت: مەترسیی ئەوە هەیە کە دووبارە ڕووسیا لەگەڵ تورکیا لەسەر عەین عیسا مامەڵە بکات بەڵام لە ئێستادا وابۆی ناچم ئەمە ڕووبدات چوونکە سەیەدە و هاوپەیمانان بەهەستیارییەوە بۆ ئەم بابەتە دەڕوانن و عەین عیسا پێگەیێکی ستراتێژیکی هەیە.

بەشی عێراق و هەرێمی کوردستان- دژەتیرۆری عێراق كوشتنی 12 چەكداری سەر بە داعشی لە مووسڵ راگەیاند.

بەشی سووریا- لە پێکدادانەکانی شەوی ڕابردوودا لە نزیک شاری عەین عیسا لە کوردستانی سووریا 7 میلیشیای سوپای ئازادی سووریا کوژران.

بەشی عێراق و هەرێمی کوردستان- جێگری پارێزگاری مووسڵ گوتی، حکوومەتی عێراق بۆ ئاوەدانکردنەوەی شنگال و گەڕانەوەی ئاوارەکان بڕیاری داوە ١٥ ملیار دینار بۆ ئەو قەزایە تەرخان بکات و بڕیاریش دراوە ئەو چەکدارانەی پەکەکە خۆیان کردووەتە مەدەنی لە شنگال دەربکرێن.

بەشی جیهان- سینەم محەمەد سەرۆکی نووسینگەی ئەنجومەنی سووریای دیموکرات لە ئەمریکا داوای کردووە ئەمریکا لە سووریا بمێنێتەوە و دەشڵێت ئیمکانی ئەوە هەیە کە ئیدارەی بایندە ببێتە نێوەندگیر بۆ چارەکردنی کێشەی کوردەکانی سووریا لەگەڵ دەوڵەتی تورکیا.