04:29 PM   IRAQ
SATURDAY, 6 JUNE 2020
 به په‌له |◀   تورکیا نیازیەتی بە تەواوەتی پاکتاوی کورد لە عەفرین بکات
SATURDAY, 28 MARCH 2020 - 11:28
نه‌ته‌وه‌ یه‌کگرتووه‌کان پێشوازی له‌ دەستپێشخەرییەکەی هەسەدە دەکات

به‌شی جیهان- ئه‌مینداری گشتیی ڕێکخراوی نه‌ته‌وه‌ یه‌کگرتووه‌کان پێشوازیی خۆی له‌ ڕاگه‌یاندنی ئاگربڕی هێزی سووریای دیموکرات و پێبه‌ندبوونیان به‌ ده‌ست‌پێنه‌کردنی ڕووبەڕووبوونەوەی سه‌ربازی ده‌ربڕی.

کوردپرێس:

هه‌فته‌ی ڕابردوو هێزی سووریای دیموکرات به‌ سه‌رکردایه‌تیی کورد له‌ به‌یاننامه‌یێکدا داوای ڕاگرتنی پێکدادانه‌کانی کردبوو به‌مه‌به‌ستی ڕووبه‌ڕووبوونه‌وه‌ له‌گه‌ڵ کۆرۆناڤایرۆس.

ڕێکخراوی نه‌ته‌وه‌ یه‌کگرتووه‌کان له‌ ماڵپه‌ڕه‌که‌یدا له‌ زاری ئانتۆنیۆ گوتێرێسه‌وه‌ ڕای‌گه‌یاندووه‌: "ئێمه‌ پێشوازی له‌ به‌یاننامه‌ی هێزی سووریای دیموکرات ده‌که‌ین بۆ پشتیوانی له‌ داواکاریی ئه‌مینداری گشتیی ڕێکخراوی نه‌ته‌وه‌ یه‌کگرتووه‌کان له‌باره‌ی ڕاگه‌یاندنی ئاگربڕی به‌په‌له‌ له‌ جیهان به‌مه‌به‌ستی به‌ره‌نگاری له‌گه‌ڵ نه‌خۆشیی کۆرۆنا."

هه‌روه‌ها ئانتۆنیۆ گوتێرێس پشتیوانیی خۆی له‌ ڕاگه‌یاندنی پێبه‌ندیی هێزی کورد- عه‌ره‌بی سووریا بۆ دووره‌په‌رێزی له‌ هه‌ر جۆره‌ هه‌نگاوێکی سه‌ربازی ده‌ربڕی.

ڕۆژی سێشه‌ممه‌ی ڕابردوو نوێنه‌ری ڕێکخراوی نه‌ته‌وه‌ یه‌کگرتووه‌کان له‌ سووریا داوای ڕاگرتنی سه‌رجه‌م پێکدادانه‌ سه‌ربازییه‌کانی له‌ سووریا کردبوو به‌مه‌به‌ستی ته‌رکیزکردن له‌سه‌ر هه‌وڵه‌کان بۆ به‌ره‌نگاری له‌گه‌ڵ بڵاوبوونه‌وه‌ی کۆرۆنا.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه