22:37 PM   IRAQ
SATURDAY, 4 JULY 2020
 به په‌له |◀   گیان لەدەست دان بەهۆی کۆرۆنا لە ئێران 11هەزار کەسی تێپەڕاند
MONDAY, 1 JUNE 2020 - 19:50
هاوسەرۆکی پەیەدە لە ناوچەی فورات تایبەت بۆ کوردپرێس: یەکگرتنی کورد واجبە

بەشی سووریا- ئەندامێکی دامەزرێنەری ئیدارەی خۆسەری دیموکراتی لە کۆبانی بە کوردپرێسی وتووە گفتوگۆ کوردییەکان بەردەوامە و لەم قۆناغە هەستیارەدا یەکگرتنی کورد و یەکخستنی نێوماڵی کورد واجبە.

کوردپرێس:

بێریڤان حەسەن ئەندامی لیژنەی سەرۆکایەتیی پارتی یەکێتیی دیموکرات کە هاوسەرۆکی ئەو حیزبەشە لە ناوچەی فورات بە کوردپرێسی وتووە بە گشتی سووریا بە قۆناغێکی هەستیاردا تێدەپەڕێت و بەو پێیەش ژنەراڵ مەزڵووم کۆبانێ فەرماندەی گشتیی هێزەکانی سووریای دیموکرات دەستپێشخەریی کرد و داوای یەکگرتنی لایەنە کوردییەکانی سووریای کرد.

ئەو ئەندامەی لیژنەی دامەزراندنی ئیدارەی خۆسەری باکووری سووریا بۆ کوردپرێسی ڕوون کردەوە کە دەستپێشخەرییەکەی مەزڵووم کۆبانێ بۆ یەکخستنی نێوماڵی کوردی سووریا لە کاتێکدا ئەنجام درا کە پێشتر عەفرین و گرێسپی و سەرێکانی لە لایەن تورکیا و تیرۆریستانەوە داگیر کراوە و ئێستاش مەترسی کەوتۆتە سەر ئیدارەی خۆسەری باکووری سووریا و ئەو ئیدارە کوردییە بەرەوڕووی هەڕەشە بۆتەوە.

بێریڤان حەسەن گوتیشی پێویستە لەم قۆناغە هەستیارەدا لایەنە کوردییەکان یەک بگرن و کار لە سەر کۆدەنگیی زیاتری کورد بکەن.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه