14:58 PM   IRAQ
WEDNESDAY, 12 AUGUST 2020
 به په‌له |◀   سەرۆککۆماری ئێران بۆ وڵاتانی عەرەبیی کەنداو: گەر ئێران نەبووبا سەدام هەمووتانی دەخوارد
SATURDAY, 4 JULY 2020 - 16:04
ئەندامی مەکتەبی سیاسی حزبی یەکێتیی دیموکراتیکی کوردی سووریا تایبەت بۆ کوردپرێس:
ئەمریکا، ئیزن بە تورکیا نادات هێرش بکاتە سەر ناوچە نەوتییەکانی سووریا/ کۆبانێ و عەین عیسا لە مەترسیدان

بەشی سووریا- ئەندامی مەکتەبی سیاسی حزبی یەکێتیی دیموکراتیکی کوردی سووریا (P.Y.D.K) ڕایگەیاند: هەڕەشەکانی تورکیا لەسەر هەبوونی بەڕێوەبەرایەتیی خۆسەر لە کوردستانی سووریا جیددیە.

«مەحموود محەمەد» ئەندامی مەکتەبی سیاسی حزبی یەکێتیی دیموکراتیکی کوردی سووریا (P.Y.D.K) لە گفتوگۆ لەگەڵ کوردپرێسدا ئاماژەی دا بە هەڕەشەکانی تورکیا بۆسەر هەبوونی بەڕێوەبەرایەتیی خۆسەر لە باکووری سووریا و وتی: هەڕەشەکانی تورکیا هێشتا لەسەر کوردستانی سووریایە و کۆتایی نەهاتووە.

ناوبراو زیادی کرد ئەردۆغان وادەزانێت شای عوسمانییە و هەرچەشنە دەستدرێژیێک بەمافی خۆی دەزانێت.

ئەندامی مەکتەبی سیاسی حزبی یەکێتیی دیموکراتیکی کوردی سووریا درێژەی دا تورکیا هەموو هەوڵەکانی بۆ ئەوەیە بۆ سەردەمی عوسمانییەکان بگەڕێتەوە و هێدی هێدی خەریکی جێبەجێ کردنی پڕۆژەکەیەتی.

مەحموود محەمەد لەبارەی ئەگەری هێرشی تورکیا بۆسەر ناوچە نەوتییەکانی نێوان قامیشلۆ و عاموودا وتی: ئەم هێرشە ڕوونادات چوونکە هێزەکانی ئەمریکا لەو ناوچانەدا جێگیرن و ڕێ بە تورکیا نادرێت ئەو هێرشە ئەنجام بدات.

ئەندامەکەی P.Y.D.K وتیشی: ئەو ناوچانەی کە ئێستا لەژێر مەترسیی هێرشی تورکیادان بریتنین لە عەین عیسا و کۆبانێ.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه