21:04 PM   IRAQ
WEDNESDAY, 30 SEPTEMBER 2020
 به په‌له |◀   میدیاکانی تورکیا ئیدیعا دەکەن: یەپەگە 300 هێزی ڕەوانەی ئەرمینیا کردووە
TUESDAY, 11 AUGUST 2020 - 11:27
گۆڤاری نەشناڵ ڕیۆڕیۆ:
ئەمریکا ڕێگری کرد لە پڕۆژەی ناسیۆنالیزمی کوردی لە سووریا

بەشی جیهان- گۆڤاری نەشناڵ ڕیۆڕیۆ دەنووسێت: ئەمریکا هێز و سەرکردە عەرەبەکانی داخڵی بەرەی هێزە کوردییەکانی سووریا کرد و بە تەرکیز کردن لەسەر شەڕێ داعش ڕێگری لە پڕۆژەی ناسیۆنالیزمی کوردی لە سووریا کرد.

بەپێی هەواڵی کوردپرێس، گۆڤاری نەشناڵ ڕیۆڕیۆ لە بەشێک لە لێکدانەوەیێکدا کە لەبارەی هەڵویستەکانی ئەمریکا هەمبەر قەیرانی سووریا و عێراق ئەنجامی داوە، ئاماژەی بە هەڵسوکەوتی ئەم وڵاتە لەگەڵ هێزە کوردییەکانی سووریا و پشتگیری کردنیان لەبەرامبەر داعش.

گۆڤارەکە دەڵێت هێزە کوردیەکانی سووریا کە بە یەپەگە ناسراون کاریگەرترین هێز بوون لە شەڕی داعش و ئەمریکاش بەبۆنەی لێهاتوویی ئەو هێزانەوە هەمبەر داعش و مەیلی ئەو هێزە بۆ هاوکاری کردن لەگەڵ گرووپەکانی دیکە لە سووریا پشگیریی کوردەکانی کرد.

ئەم گۆڤارە وەبیری دێنێتەوە کە ئەمریکا وریا بوو کە پشتگیری کردن لە هێزە کوردییەکانی سووریا سەرکەوتنی پڕۆژەی سیاسیی یەپەگە-ی لێنەکەوێتەوە، بەڵکوو تەنها بۆ وەدەرنانی داعش لە خاکی سووریا بێت.

نەشناڵ ڕیۆڕیۆ دەنووسێت: دامەزراندنی هێزەکانی سووریای دیموکرات کە پێکهاتووە لە هێزە کوردەکان، مەسێحی و عەرەب پڕۆژەی ئەمریکا بوو تا متمانە بە عەرەب و مەسێحییەکان بدات کە شەڕی داعش لە کۆتاییدا نابێتە هۆی جێبەجێ بوونی پڕۆژەی ناسیۆنالیزمی کوردی.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه