21:19 PM   IRAQ
WEDNESDAY, 30 SEPTEMBER 2020
 به په‌له |◀   میدیاکانی تورکیا ئیدیعا دەکەن: یەپەگە 300 هێزی ڕەوانەی ئەرمینیا کردووە
WEDNESDAY, 12 AUGUST 2020 - 12:09
جێگرەکەی جۆبایدن: دەیان هەزار کورد لە شەڕی داعشدا گیانیان بەخت کرد کەچی ترەمپ کوردی فرۆشت

بەشی جیهان- کامیلا هریس جێگری جۆبایدن لەبارەی کشانەوەی هێزەکانی ئەمریکا لە باکووری سووریا بە فەرمانی ترەمپ دەڵێتپشت کردن لە کورد و دەست لێبەردانیان خەیانەت بوو بەرانبەر بە کورد و لە ڕاستیدا ئیدارەی ترەمپ کوردی بە تورکیا فرۆشت.

کوردپرێس:

جۆبایدن پاڵێوراوی دیموکراتییەکانی ئەمریکا بۆ هەڵبژاردنی 2020 "کامیلا هێریس"ی وەک جێگری یەکەمی خۆی دەستنیشان کرد.

 کامیلا هریس پاڵێوراوی ژمارە یەکی دیموکراتییەکان بوو و پاشتر بە قازانجی جۆ بایدن کشایەوە. ئەو سیاسەتوانە ئەمریکییە دەڵێت ڕەفتاری ترەمپ لەگەڵ کورد، خەیانەت کردن بوو لە کوردەکانی سووریا.

کامیلا هریس ساڵی 2019 و پاش هێرشەکەی تورکیا بۆ سەر کوردەکانی سووریا لە دیمانەیێکی ڕادیۆییدا وتبووی دۆناڵد ترەمپ کوردەکان سووریای فرۆشت ئەوەش لە کاتێکدا کوردەکان لە شەڕی دژبە داعش شان بە شانی ئەمریکا شەڕیان دەکرد و دەیان هەزار کورد لەو شەڕەدا گیانیان بەخت کرد.

ناوبراو جەختیشی کردتەوە کە ڕەفتاری ترەمپ بەرانبەر بە کورد بووە هۆی ئەوەی خەسار لە پێگە و کەسایەتیی ئەمریکا لە کۆمەڵگەی دەولی بکەوێت و چیتر کەس پێشوازی لە هاوپەیمانێتی لەگەڵ ئەمریکا ناکات و گیانی خۆی لە بەر خاتری ئەمریکا ناخاتە مەترسییەوە.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه