21:05 PM   IRAQ
WEDNESDAY, 30 SEPTEMBER 2020
 به په‌له |◀   میدیاکانی تورکیا ئیدیعا دەکەن: یەپەگە 300 هێزی ڕەوانەی ئەرمینیا کردووە
SATURDAY, 15 AUGUST 2020 - 08:16
ئەمریکا: پێویستە تورکیا بۆ هێرش کردن دژی پەکەکە لەگەڵ عێراق هەماهەنگی بکات

بەشی جیهان- نوێنەری ئەمریکا لە هاوپەیمانیی دژەداعش دەڵێت هێرشەکانی تورکیا دژی پەکەکە لە هەرێمی کوردستان هەڵگری شەرعییەتە و داوای لە ئەنقەرەش کردووە هێرشەکانی خۆی دژی پەکەکە لەگەڵ دەوڵەتی فیدراڵی عێراق هەماهەنگ بکات.

کوردپرێس:

ماڵپەڕی تایبەتی وەزارەتی دەرەوەی ئەمریکا لە بابەتێکدا نووسیویەتی جەیمز جێفری نوێنەری تایبەتی ئەمریکا لە هاوپەیمانیی نێودەوڵەتیی دژەداعش پرێس کۆنفڕانسێکی کردووە و بەبۆنەی کوژرانی دوو ئەفسەری کوردی سوپای عێراقەوە کە لە هێرشی فڕۆکەی تورکیا کوژران سەرەخۆشیی کرد.

جەیمز جێفری ڕەواییی بە هێرشەکانی تورکیا بۆ سەر خاکی هەرێمی کوردستان دا و لەو بارەیەوە داوای لە ئەنقەرە کرد بۆ هێرش کردنی دوبارە هەماهەنگی و هاوکاریی عێراق وەربگرێت.

نوێنەری تایبەتی ئەمریکا لە کاروباری سووریا لەبارەی ڕێککەوتنی نەوتیی نێوان کۆمپانیا ئەمریکییەکە و کوردەکانی سووریا وتی: خەڵکی سووریا خاوەنی نەوتی ئەو وڵاتەن و ئەمریکاش پێبەندە بە پارێزگاری کردن لە سەروەری و یەکپارچەییی خاکی سووریا. دەوڵەتی ئەمریکا جگە لە دەرکردنی مۆڵەت بۆ کۆمپانیایێکی نەوتی هیچی دیکەی نەکردووە و ئەو دەوڵەتە نە نەوتی سووریای کۆنتڕۆڵ کردووە و نە بۆ کۆنتڕۆڵ کردنی سامانی سروشتیی سووریاش هەنگاوێکی ناوە.

ناوبراو هەروەهاش لەبارەی دۆخی باکووری خۆرهەڵاتی سووریا و ڕێککەوتن و لێکگەیشتنی ئەو وڵاتە لەگەڵ کوردەکان و تورکیا و ڕووسیا ڕەزامەندیی نیشان دا.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه