19:59 PM   IRAQ
TUESDAY, 31 MARCH 2020
 به په‌له |◀   وه‌زیری ته‌ندروستیی ئێران: به‌م زووانه ڕاگه‌یاندنی‌ ده‌ستکه‌وتێکی نوێ، پله‌ی یه‌که‌می جیهان بۆ ئێران مسۆگه‌ر ده‌کات
WEDNESDAY, 4 DECEMBER 2019 - 10:34
گاردیەن:
ناتۆ داخوازییەکەی تورکیا ڕەت دەکاتەوە، یەپەگە ناخرێتە ڕیزی گرووپە تیرۆریستیەکانەوە

بەشی جیهان- ڕۆژنامەی گاردیەن لە ڕاپۆرتێکدا بڵاوی دەکاتەوە ناتۆ داخوازییەکەی تورکیای بۆ ناساندنی یەکینەکانی پاراستنی گەل (یەپەگە)ی وەکوو گرووپێکی تیرۆریستی ڕەت کردۆتەوە.

بەپێی هەواڵی کوردپرێس، سەرۆک کۆماری تورکیا پێش ئەوەی بەڕێبکەوێت بۆ کۆبوونەوەی لووتکەی هاوپەیمانی ناتۆ، کە لە لەندەنی پایتەختی بریتانیا بەڕێوەچوو رایگەیاند ئەگەر هاوپەیمانێتیەکە، یەپەگە وەک تیرۆریست نەناسێنن تورکیا لەدژی هەر پلانێک دەوەستێتەوە کە بۆی پێشنیاز دەکەن.

بەڵام سەرۆک کۆماری فەرەنسا بەرگریی لە هێزەکانی پاراستنی گەل، یەپەگە کرد لە دژی ئەو بڕیارەی کە تورکیا ڕایگەیاندبوو، کاتێک پلانی نوێی ناتۆ پەسەند دەکات کە یەپەگە بە تیرۆرست ناوزەند بکرێت.

ئيمانوێڵ ماكرۆن، سەرۆک کۆماری فەرەنسا لە کۆنگرەیێکی ڕۆژنامەوانیدا ڕایگەیاند "ناكرێت هێزێک بە تیرۆریست بزانین كە شەڕی تیرۆری كردووە و چەندین کەسی لەو ڕێگایەدا کردووەتە قوربانی".

ماكرۆن وتیشی: "دەبێت ناتۆ پێناسەی هاوبەشی هەبێت بۆ بابەتی تیرۆر و ناکرێت هەر وڵاتێکی ئەندامی ناتۆ پێناسەی جیاواز بۆ تیرۆر بکات و گرووپێک لە بەرژەوەندی خۆی بکاتە دووژمنی هەموو ئەندامانی ناتۆ".

سەرۆک کۆماری فەرەنسا ئاماژەی بەوەش کردووە "توركیا شەڕی ئەو هێزە كوردییانە دەكات كە هاوشانی فەڕەنسا و وڵاتانی تری ناتۆ دژی داعش شەڕ دەكەن".

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه