بەشی ئێران- وتەبێژی وەزارەتی تەندروستیی ئێران ڕایگەیاند لە 24 کاتژمێری ڕابردوودا 128 حاڵەتی نوێی مردن بە کۆرنا تۆمار کراوە بەوەش دوایین ئاماری مردن بە کۆرۆنا گەیشتە 55 هەزار و 223 حاڵەت.

بەشی کوردستان- سەرۆکی زانکۆی پزیشکیی کوردستان لە لێدوانێکدا دوایین ئامارەکانی لەبارەی کۆرۆنا لە پارێزگای کوردستان ئاشکرا کرد و ڕایگەیاند لە ماوەی 24 کاتژمێری ڕابردوودا 53 حاڵەتی نوێی تووشبوون تۆمار کراوە و کۆی ئەو نەخۆشانەی لە ژێر چاودێریی چڕدان گەیشتە 156 کەس.

بەشی عێراق و هەرێمی کوردستان- ئینستتیوتی پەی لەبارەی کار و چالاکییەکانی پەرلەمانی کوردستان لەساڵی 2020 دەڵێت تەنها 5 یاسای پەسەند کردووە.

بەشی عێراق و هەرێمی کوردستان- سەرۆک کۆماری عێراق دەڵێت نابێت هاوڵاتیانی عێراق باجی ململانێ و گرفتی سیاسییەکان و گەندەڵی بدەن بەئاستێک کە یاری بە قوتی رۆژانەی ژیانیانەوە بکرێت.

بەشی ئێران-  دوو خەباتکار و دوو شەڕڤان و دوو ئازادیخواز لە دوو سەری گۆی زەوییەوە. یەکیان لە ئەوپەڕی خۆرئاوا و ئەوی دیکەیان لە لانکەی خۆرهەڵاتی زەوی. یەکیان کوڕە دێهاتییێک کە لە منداڵیدا بەنایی کردنی ئەزموون کردووە و لەو ئەزموونەوە  بوو بە نێژیرڤانی ئازادکردنی خۆرهەڵاتی ناوەڕاست و ئەوی دیکەشیان پزیشکیی هەڵبژارد بۆ ئەوەی ئازاری ژێردەستەبوونی ئەمریکای باشوور چارە بکات.

بەشی عێراق و هەرێمی کوردستان- نووسینگەى سکرتێری مەکتەبی سیاسیی پارتی رایگەیاند، فازڵ میرانى نەیوتووە کە کابینه‌که‌ی مه‌سروور بارزانی خراپترین کابینه‌ی حکوومه‌تی کوردی بووه‌.

بەشی تورکیا- وەزیری تەندروستیی تورکیا ڕایگەیاند لە ماوەی ٢٤ کاتژمێری رابردوودا، 254 کەسی دیکە لەو وڵاتە بەهۆی کۆرناوە گیانیان لەدەست داوە.

بەشی سووریا- بەهۆی تەقینەوەی پاسێک لە ڕۆژهەڵاتی سووریا لانیکەم 25 کەس کوژران و 13 کەسی دیکەش بریندار بوون.

بەشی کوردستان- نوێنەری شاری سنە و کامێران و دیواندەرە لە پەرلەمانی ئێران ئاماژەی بە دۆخی زانایانی ئاینیی سونە لە ئێران کرد و گوتیشی پێویستە ڕێگری بکرێت لە چەواشەکاریی ئاینی لە میدیاکانی وڵات.

بەشی سووریا- بەگوێرەی ڕاگەیێندراوی دەستەی تەندروستیی ئیدارەی خۆسەر لە باکووری سووریا 69 حاڵەتی نوێی تووشبوون تۆمار کراوە و بەوەش کۆی ئاماری تووشبوون 8 هەزار حاڵەتی تێپەڕاند.

بەشی جیهان- بە گوێرەی ئەو بەڵگە سکرێتانەی کە بەم زووانە بڵاو کراوەتەوە جان میجەر سەرۆکوەزیرانی پێشووتری بەریتانیا لە ساڵی 1996 نیگەرانی هێرشی فراوانی سەدام بۆ سەر ناوچەی دژەفڕینی باکووری عێراق بووە و بەڵام بەوەشەوە نیازی بووە پشت لە کورد بکات.

بەشی عێراق و هەرێمی کوردستان- سكرتێری حزبی سۆسیالیست دیموكراتی كوردستان، داوای پێكهێنانی ئەنجومەنێكی سیاسی لە كوردستان دەكات و دەڵێت، چارەسەری كێشەكانی كورد لە بەغدا نییە بەڵکوو لە تارانە و دانوستان هیچی لێ سەوز نابێت، باشترین چارەسەریش بۆ عێراق سیستمی كۆنفیدراڵییە.

بەشی عێراق و هەرێمی کوردستان- پۆلیسی سلێمانی رایگەیاند، ئەو تۆمەتبارەی شەوی رابردو عەقیدێكی خانەنشینی كوشت، دەستگیركرا كە كوڕی كوژراوەكەیەو دانی بە تاوانەكەیدا ناوە و وتوویەتی: بەھۆی بوونی کێشەی خێزانییەوە تاوانەکەی ئەنجام داوە.

بەشی عێراق و هەرێمی کوردستان- مەحموود عوسمان سیاسەتمەداری بەرجەستەی کورد، دەڵێت كێشەكانی نێوان هەرێم و بەغدا لە بنەڕەتدا کێشەى سیاسین، بۆیە "پێویستە وەفدێكی باڵای سیاسی و بڕیار بەدەستى هەرێم بچێتە بەغدا بۆ چارەسەركردنی كێشەكان."

بەشی عێراق و هەرێمی کوردستان- پاش کۆبوونەوەی لایەنە کوردستانییەکانی کەرکووک کە بە بێ بەشداریی پارتی بەڕێوە چوو ئەو لایەنانە لە بەیاننامەیێکدا جەختیان کردەوە کە بەپێی ئەنجامی ھەڵبژاردنەکان پۆستە ئیدارییەکان دابەش بکرێت و ئەو لایەنەنای براوەی ھەڵبژاردنەکان بوون پەراوێز نەخرێن.

بەشی کوردستان- بەڕێوەبەری ڕێگا و شارسازیی پارێزگای کوردستان لە لێدوانێکدا ڕایگەیاند تا ئێستا بە ڕێژەی 1100 ملیار تمەن بۆ پڕۆژەی هێڵی ئاسنی هەمەدان بۆ سنە سەرف کراوە و تەواوکردنی پڕۆژەکە پێویستی بە 1000 ملیار تمەنی دیکەیە.

بەشی عێراق و هەرێمی کوردستان- سەرۆکوەزیرانی عیراق ڕایگەیاند کۆنتڕۆڵکردنی دەروازەکان، سەرچاوەی ئاسایش و سەقامگیری وڵاتە و داواشی کرد سه‌رجه‌م وه‌زیر و دامه‌زراوه‌كان هاوكاریی فه‌رمانده‌ییی ئۆپراسیۆنه‌ هاوبه‌شه‌كان بكه‌ن له‌ سه‌رخستنی ئه‌ركه‌كانیان.

بەشی ئێران- سەرۆکی دەزگای دادی ئێران ئاماژەی بە دۆسیەی تیرۆری شەهید قاسم سولەیمانی کرد و ڕایگەیاند ترەمپ یەکەم تاوانباری ئەو دۆسیەیە و نیابەتیش بە 6 وڵاتی هەرێمی دراوە بۆ تاوتوێ کردنی دۆسیەکە.

بەشی ئێران- سەرۆککۆماری ئێران لە لێدوانێکدا ئاماژەی بە تیرۆکرانی سەردار سولەیمانی بە فڕۆکەی بێفڕۆکەوانی ئەمریکا کرد و چەند ڕەهەندێکی کەسایەتیی شەهید سولەیمانیی خستە ڕوو و هاوکات هەڕەشەی دەرکردنی ئەمریکییەکانی لە عێراق کرد.

بەشی سووریا- هێزەکانی سووریای دیموکرات ڕایگەیاند تۆڕێکی 28 کەسیی سەربە میتی تورکیا کەوتۆتە داوی هەواڵگریی هەسەدەوە و هەموویان دەستبەسەر کراون.

بەشی جیهان- گۆڤاری ئۆیڵ پرایز کە کاری پسپۆڕانەی تایبەت لە سەر کەرتی وزە و نەوت دەکات ئاماژەی بە ئامارەکانی وەزارەتی سامانە سروشتییەکانی هەرێمی کوردستان کردووە کە بەو پێیە 25 ترلیۆن پێی سێجا غازی سروشتی لە هەرێم سەلمێندراوە و 198 ترلیۆن پێی سێجا غازی نەسەلمێندراو هەیە. ئەوەش 3 لە سەدی غازی سروشتیی جیهانە.

بەشی عێراق و هەرێمی کوردستان- كارگێری مەڵبەندی نەینەوای یەكێتیی نیشتمانیی كوردستان ڕایدەگەیەنێت سیاسەتی پارتی لەگەڵ هێزە عێراقیەكاندا لە نەینەوا نەرمە و لە هەرێمی كوردستانیش هەر ئەو سوپایەیە پارتی بە داگیركەر ناوی دەبات كە ئەوەش جۆرێكە لە سیاسەتی دووفاقی.

بەشی کوردستان- سەرۆکی زانکۆی پزیشکیی کوردستان لە لێدوانێکدا دوایین ئامارەکانی لەبارەی کۆرۆنا لە پارێزگای کوردستان ئاشکرا کرد و ڕایگەیاند لە ماوەی 24 کاتژمێری ڕابردوودا 48 حاڵەتی نوێی تووشبوون تۆمار کراوە و کۆی ئەو نەخۆشانەی لە ژێر چاودێریی چڕدان گەیشتە 155 کەس.

بەشی ئێران- وتەبێژی وەزارەتی تەندروستیی ئێران ڕایگەیاند لە 24 کاتژمێری ڕابردوودا 149 حاڵەتی نوێی مردن بە کۆرنا تۆمار کراوە بەوەش دوایین ئاماری مردن بە کۆرۆنا گەیشتە 55 هەزار و 95 حاڵەت.

بەشی ئیلام- بەگوێرەی ڕاگەیێندراوی زانکۆی پزیشکیی ئیلام بۆ ڕۆژی چوارەم دەچێت کە لەو پارێزگایە هیچ حاڵەتێکی مردن بە کۆرۆنا تۆمار نەکراوە و 17 حاڵەتی نوێی تووشبوون تۆمار کراوە.