بەشی عێراق و هەرێمی کوردستان- ئەندامێكی هاوپەیمانیی سائیرونی‌ سه‌ر به‌موقته‌دا سه‌در ڕایده‌گه‌یه‌نێت كه‌ پابەندنەبوونی حكوومه‌تی‌ هەرێم بەرێككەوتنەكانی پێشو، گەیشتن بەرێككەوتنێكی نوێی نێوان هه‌ولێر و به‌غدای‌ دوا خستووە.

بەشی جیهان- 8 پەرلەمانتاری بەریتانیا پڕۆژەیێکیان واژۆ کردووە و وێڕای نیگەرانی دەربڕین لەبارەی هەلومەرجی ژیانی هاووڵاتییانی هەرێمی کوردستان ڕەخنەیان لە شێوەی حکومڕانیی دوو حیزبی پارتی و یەکێتی گرتووە و دەڵێن شەفافیەت و هەست کردن بە بەرپرڕسیارێتی دوو فاکتەری ونبوون لە حکوومەتی هەرێمی کوردستان.

بەشی سووریا- هاوسەرۆکی ئەنجوومەنی سووریای دیموکرات ڕایده‌گه‌یه‌نێت، رووسیا بەرپرسیاره‌ لە هێرشەکانی تورکیا بۆ سەر عەین عیسا.

بەشی جیهان- پەیمانگای جەیمز تاون ئاماژەی بە داکۆکی چەند لایەنێک بۆ مانەوەی دەسەڵاتیان لە شەنگال کردووە و دەشڵێت زەحمەت دەبێت کە ڕێککەوتنەکەی شەنگال لەبارەی دەسەڵاتی دەوڵەتی ناوەندیی عێراق لە ناوچەکە بە تەواوی جێبەجێ بکرێت.

بەشی سووریا- سەرچاوە خۆجێیییەکان باس لەوە دەکەن گرووپی توندڕەوی سەر بە تورکیا لە ناوچەی عەین عیسا هێرشیان کردۆتە سەر هەسەدە و دوو گوندیان کۆنتڕۆڵ کردووە.

بەشی عێراق و هەرێمی کوردستان- جێگری یه‌كه‌می سه‌رۆكی ئه‌نجومه‌نی نوێنه‌رانی عێراق له‌دیدارێكدا له‌گه‌ڵ ژماره‌یێک له‌مامۆستایانی ناڕازی پارێزگای سلێمانی رایگه‌یاند، پێویسته‌ مووچه‌ی فه‌رمانبه‌رانی كوردستان به‌ حكوومه‌تی ناوه‌ند ببه‌سترێته‌وه‌.

بەشی عێراق و هەرێمی کوردستان- بەرهەم ساڵح لەگەڵ شاندی هەرێمی کوردستان بە سەرۆکایەتیی قوباد تاڵەبانی و بەشیر حەداد، جێگری دوەمی سەرۆکی پەرلەمان و سەرۆکی فراکسیۆنە کوردییەکان لە پەرلەمانی عێراق کۆ بووەوە و جەختی کردەوە لە گرنگیی چارەسەری بنەڕەتی و گشتگیر بۆ کێشەکانی خەڵک و کۆتاییھێنان بە قەیرانی مووچە.

بەشی سووریا- بەرپرسی راگەیاندنی هێزەکانی سووریای دیموکرات (هەسەدە) رایگەیاند، لەکاتێکدا هەمووان هەوڵ دەدەن یەکێتیی نەتەوەیی بەرەوپێش بەرن، هەندێك کەس بە وتەکانیان دەبنە رێگر لە بەردەم ئەو یەکێتییە، بۆیە داوا لە سەرکردەکانی هەرێمی کوردستان دەکەن دەست لە "لێدوانی هێرشکارانە" هەڵبگرن.

بەشی سووریا- فەرماندەی گشتیی هێزەکانی سوریای دیموکرات (هەسەدە) بەبۆنەی "جەژنی رۆژووی ئێزی" پیرۆزبایی لە ئێزدییەکان دەکات و رایدەگەیەنێت، کورد بەیەکێتیی نەتەوەیییەوە پشتیوانی لە گەلی ئێزدی دەکات.

بەشی تورکیا- وەزیری تەندروستیی تورکیا ئاماری نوێی تایبەت بە ڤایرۆسی کۆرۆنای لە وڵاتەکەی بڵاو کردەوە و رایگەیاند لە ماوەی 24 کاژێری رابردوودا 206 هەزار و 102 پشکنین ئەنجام دراون؛ 27 هەزار و 515 تووشبووی کۆرۆنا تۆمارکراون.

بەشی سووریا- پارتەکانی یەکێتیی نیشتمانیی کوردی سووریا لە بەیاننامەیێکدا داوایان لە هاووڵاتییان و هێزە سیاسییەکان و پەرلەمانی هەرێمی کوردستان کردووە بۆ ڕێگری کردن لە سەرهەڵدانی شەڕی ناوخۆی نێوان کوردەکان دەستپێشخەری بکەن.

بەشی عێراق و هەرێمی کوردستان- سەرۆكی فراكسیۆنی پارتی لە ئەنجومەنی نوێنەرانی عێراق ئاماژە بەوەدەكات بەهۆی ئەوەی تاكەڕێڕەوەی بازرگانی نێوان عێراق و توركیا لە هەرێمی كوردستانەوە تێدەپەرێت بۆیە هەر ڕێككەوتنێكی بازرگانی لە نێوان توركیا و هەرێم واژۆ بكرێت كاریگەری لەسەر هەرێمی كوردستانیش دەبێت، پێشبینیش دەكرێت ساڵی داهاتوو قەبارەی ئاڵوگۆری بازرگانی نێوان عێراق و توركیا بگاتە 20 ملیار دۆلار.

بەشی عێراق و هەرێمی کوردستان- سەرۆکی فراکسیۆنی پارتی لە ئەنجومەنی نوێنەرانی ڕەتی کردەوە کە شاندی دانوستانکاری هەرێم گەڕابێتەوە و دەشڵێت دیالۆگی نێوان هەولێر و بەغدا لە ڕێگای شاندەکەوە بەردەوامە و بەرەوپێشچوونی باش لە گفتوگۆکاندا هەیە.

بەشی سووریا- شەوی رابردوو گرووپە چەکدارییە سوورییەکانی سەر بە تورکیا هێرشیان کردە سەر چەند بنکەیێکی سەر بە هێزەکانی سووریای دیموکرات.

بەشی عێراق و هەرێمی کوردستان- وەزیری پێشمەرگەی حکوومەتی هەرێمی کوردستان رایگەیاند کە ھێرشەکانی پەکەکە بۆ سەر پێشمەرگە و ھەرێمی کورستان نە خزمەتی خۆیان و نە خزمەت بە ئێستا و نە بە داهاتووی کوردستان ناکات.

بەشی تورکیا- مەولوود چاویش ئۆغلو، وەزیری دەروەی ڕایگەیاند سزاكانی ئه‌مه‌ریكا بۆ سه‌ر ئه‌نقه‌ره‌ وڵاتەکەی لە کڕینی سیسته‌می بەرگریی ئێس - 400 پاشگەز ناکاتەوە.

بەشی سووریا- وەزیری دەرەوەی سووریا رەخنەی توندی لە ئەمریکا گرت و رایگه‌یاند ئەمه‌ریکا خاکی سووریای داگیر کردووە و نەوتەکەمان دەدزێت و ھاوکاری چەند ھێزێکی نایاسایی دەکات.

بەشی عێراق و هەێمی کوردستان- سەرۆکوەزیرانی عێراق و سەرۆک کۆماری تورکیا لە کۆشکی سەرۆکایەتی ئەو وڵاتە لە ئەنقەرەی پایتەخت کۆ بوونەوە.

بەشی جیهان- بەگوێرەی ڕاپۆرتی ئاژانسی پەنابەرانی سەربە نەتەوەیەکگرتووەکان و بانکی جیهانی ڕێژەی هەژاری لە هەرێمی کوردستان لەنێو کۆمەڵی خانەخوێ، ئاوارەکان و عێراقییە کۆچەرەکاندا بە هۆی کۆرۆناوە 26% زیادی کردووە.

بەشی عێراق و هەرێمی کوردستان- سەرۆک کۆماری عێراق رایگەیاند، قەیرانی موچە و بژێوی خه‌ڵک پێویستی بە چارەسەرێکی بەپەلە و ریشەیی و دەستوری هه‌یه.

بەشی عێراق و هەرێمی کوردستان- فەرماندەی ئۆپەراسیۆنەکانی کەرکووک رایگەیاند، هێزەکانی پۆلیسی فیدراڵ ئۆپەراسیۆنێکیان بۆسەر رێکخراوی داعش ئەنجام داوە.

بەشی عێراق و هەرێمی کوردستان- شاندی حکوومەتی هەرێمی کوردستان بۆ دانوستاندن لەگەڵ حکوومەتی عێراق، کە بە سەرۆکایەتیی قوباد تاڵەبانی چوونە بەغدا، بەبێ هیچ رێککەوتنێک گەڕانەوە هەرێمی کوردستان، بەپێی ئەو زانیارییانەی بە رووداو دراون، بەغدا ئاستی داواکارییەکانی بەرز کردووەتەوە.

بەشی عێراق و هەرێمی کوردستان- فەرماندەیێکی پێشمەرگە ڕایگەیاند، لە سحێلا نوێنەرانی هێزی پێشمەرگە و یەکینەکانی پاراستنی گەل - یەپەگە کۆبوونەوەیەکیان ئەنجام داوە و شەش گەریلای پەکەکە کە ئەمڕۆ کەوتبوونە دەستی پێشمەرگە، ئازاد کراون.

بەشی جیهان- بلومبێرگ لە بابەتێکدا نووسیویەتی یەک لە کێشە سەرەکییەکانی نێوان دوو وڵاتی ئەمریکا و تورکیا ئەوەیە کە واشەنتن پشتگیریی کوردەکانی سووریا دەکات.

بەشی فەرهەنگ و هونەر- لەسەر ئەرکی زانکۆی سۆران سەنتەرێکی تایبەت بە هەورامانناسی لەو زانکۆیە کرایەوە و ئامانجی سەنتەرەکەش ئاشناکردن و کۆڵینەوە لە سەر ئەدەب و هونەر و نەریتی ژیانە لە هەورامان.