«نافێع عەبدوڵڵا» ئەندامی لیژنەی ناوەندیی پارتی دیموکراتی کوردستانی سووریا (PDK.S) لە گفتوگۆ لەگەڵ کوردپرێسدا ئاماژەی دا بە کۆبوونەوەی نێوان لایەنە سیاسییەکانی کوردی سووریا لە قامیشلۆ بەبێ ئامادەبوونی ئەنجومەنی نیشتمانیی کورد و وتی: ئێمە هیچ زانیاریێکمان لەبارەی دانیشتنەکە نەبوو، بۆیە بەشداریمان تیایدا نەکرد.
ناوبراو درێژەی دا: لە چەند هەفتەی ڕابردوودا شاندی ئەنەکەسە چەند کۆبوونەوەیێکی لەگەڵ نوێنەری ئەمریکا بۆ دانوستانەکانی کوردی-کوردی ئەنجام دا و هەروەها چاوپێکەوتنێکی لەگەڵ ژەنراڵ کۆبانی هەبووە و لە دیدارەکاندا نیگەرانیی خۆیان لە ڕەفتاری ژمارەیێک لە بەرپرسانی پارتی یەکێتیی دیموکراتیک ڕاگەیاندووە.
نافێع عەبدوڵڵا زیاتر وتی: ئێمە لە دیدارەکاندا گوتمان وتەکانی ئاڵدار خەلیل و بەرپرسانی پەیەدە لەبارەی پێشمەرگەی ڕۆژ و ئەنەکەسە زۆر نابەرپرسیارانە و هەڵەیە و کاریگەریی خراپی لەسەر دانوستانەکان دەبێت.
ئەندامەکەی ئەنەکەسە ڕاشیگەیاند: پێویستە بەرپرسانی پەیەدە لە وتە و هەڵمەتی نەشیاو و دوور لە ڕۆحی برایەتی دەست هەڵبگرن.
کۆدی هەواڵنێر: 60113
Your Comment