«بێهجەت شێخۆ» ئەندامی لیژنەی ناوەندیی پارتی یەکێتیی کوردستانی لە سووریا (P.Y.K.S) لە گفتوگۆ لەگەڵ کوردپرێسدا ئاماژەی دابە پرسی درێژەی گفتوگۆکان لەنێوان ئەنجومەنی نیشتمانیی کورد (ENKS) و پارتی یەکێتیی دیموکراتیک (PYD) و حزبەکانی نزیک لەم پارتە و وتی: بێ گۆمان یەکێتیی نێوان خەڵک و ڕەوتە کوردییەکانی سووریا زۆر گرینگە بەتایبەت پاش ئەوەی کە چەند ناوچەیێکی کوردستانی سووریا لەلایەن تورکیا و گرووپەکانی سەر بەو وڵاتەوە داگیر کران.

ناوبراو درێژەی دا: خەڵکی ئێمە لەماوەی ئەم یەک ساڵەدا کە دانوستانی نێوان لایەنە کوردییەکانی دەستی پێکردووە زۆر هەست بە خۆشحاڵ بوون دەکەن و دەیانەوێت دانوستانەکان بگاتە ئەنجام بەڵام بەداخەوە لایەنی بەرمبەر هەڵویستی نەشیاو دەنوێنن.

ئەندامی لیژنەی ناوەندیی پارتی یەکێتیی کوردستانی لە سووریا (P.Y.K.S) ئاشکراشی کورد: بۆ ئێمە وەکوو ئەنجومەنی نیشتمانیی کورد گفتوگۆی نێوان لایەنە کوردییەکان ستراتێژک دێنە ئەژمار و هەمیشە ئامادەی گفتوگۆ کردنین بەڵام لایەنی بەرامبەرمان بەردەوام هەوڵی دروست کردنی ناکۆکی دەدەن.

بێهجەت شێخۆ وەبیری هێنایەوە لایەنی بەرامبەرمان لە گفتوگۆکاندا جیددی نین و ئەمریکا بێدەنگە هەمبەر ڕەفتارەکانی پەیەدە.

ناوبراو وتی: دانوستانەکان لە ئێستادا ڕاوەستاون و ئێمە داوامان لە پەیەدە کردووە داوای لێبووردن لە گەلی کوردی سووریا و هێزەکانی پێشمەرگەی ڕۆژ بکات چوونکە وتەی نەشیاویان هەمبەر ئەم هێزانە دەربڕیوە.

ناوبراو جەختی کردەوە: پێشمەرگەی ڕۆز ڕۆڵێکی ئەرێنیی و نەتەوەیی بۆ کورد بینیوە و قارەمانانە شەڕی داعشی کردووە.

ئەندامەکەی لیژنەی ناوەندیی پارتی یەکێتیی کوردستانی لە سووریا (P.Y.K.S) زیاتر وتی: پەیەدە لە دانوستانەکاندا جیددی نییە و ئێنە هیوامان وایە ژەنراڵ مەزڵووم کۆبانی و ئەمریکا دەرێکی ئەرێنی ببینن و گوشار بخەنە سەر لایەنی بەرمبەر بەڵکوو واز لە ئاژاوەنانەوە بێنێت و تاکوو دانوستانەکان دەگاتە ئەنجام.

سروور خدری