بەپێی هەواڵی کوردپرێس، گۆڤاری ئۆیل پرایز لە شیکاریێکدا تاوتوێی ناکۆکیی نێوان هەولێر و بەغدا دەکات لەسەر نەوت و بوودجە و دەڵێت دوورنواڕی ڕێککەوتنی کورد و بەغدا دۆخێکی لێڵی هەیە.
بەگوێرەی گۆڤارەکە هۆکاری سەرەکیی ناکۆکییەکان نێوان هەولێر و بەغدا لەسەر نەوت بەهۆی بۆشایی یاسایێکی ڕوونە لەبارەی سەرچاوە نەوتی و گازییەکان لە عێراق و هەرێمی کوردستانیش بەپێی ژمارەیێک لە مادەکانی یاسای بنەڕەتیی عێراق خۆی بەحەق دەزانێت لە فرۆشتنی ڕاستەوخۆی نەوتدا.
ئۆیل پرایز ئاماژەیش دەکات بە هەوڵی چەندین ساڵەی ناسەرکەوتووی نێوان هەرێمی کوردستان و حکوومەتی ناوەندیی عێراق بۆ گەیشتن بە ڕێککەوتن لەسەر نەوت و بوودجە و دەڵێت دوورنواڕی ئەم ڕێککەوتنە ناڕوون و لێڵە.
ئۆیل پرایز ئاماژەیش دەکات بە ئامادە بوونی بەربڵاوی کومپانیا ڕووسیەکان لە کەرتی نەوت و گازی هەرێمی کوردستان و زاڵ بوونی لەسەر سەرچاوە سروشتییەکانی ئەم ناوچەیە و هۆشداری دەدات کە ئەگەر هەولێر و بەغدا نەتوانن بگەنە ڕێککەوتنێک لەسەر نەوت و بوودجە ئەگەری پاڵدانەوەی زیاتری هەرێمی کوردستان بە ڕووسیاوە بۆ دابین کردنی بوودجە زیاتر دەبێت و ئەمەش بەواتای هەرچی زیاتر دوورکەوتنەوەی کوردەکانە لە حکوومەتی ناوەندیی عێراق.
ئەم گۆڤارە ئاماژەشی دابە پشتگیری نەکردنی ئەمریکا لە کوردەکانی عێراق و سووریا لە کاتە هەستیارەکاندا و بە خەیانەتی ئەمریکا لە کورد وەسفی دەکات و جەخت دەکاتەوە ئەو هەڵویستانەی کوردەکان لە ئەمریکا دوور دەخاتەوە و لە ڕووسیا نزیکیان دەکاتەوە.
کۆدی هەواڵنێر: 60113
Your Comment