«فواد عەلیکۆ» ئەندامی مەکتەبی سیاسی پارتی یەکێتیی کوردستانی سووریا (P.Y.K.S) لە وەڵامی پرسیارێکی کوردرپرێسدا کە ئایا ئیدارەی نوێی ئەمریکا چ سیاسەتێکی هەمبەر کوردی سووریا گرتۆتە پێش، ڕایگەیاند: هێشتا ستراتێژیی ویلایەتە یەکگرتووەکانی ئەمریکا هەمبەر پرسە جیهانییەکان و ناوچەکە بەتایبەت سووریا و کوردەکان ڕوون نییە بەڵام بایدن لە وتەکانیدا خۆی وەکوو دۆستی کورد دەرخستووە.

ناوبراو درێژەی دا: ئێمە هیوادارین ئەمریکا و بایدن بتوانن بۆ چارەسەر کردنی پرسی سووریا بەتایبەت پرسی کوردەکان ڕۆڵ بگێڕن و گەرەنتیی مافی کوردەکانی سووریا بکەن.

ئەندامی مەکتەبی سیاسی پارتی یەکێتیی کوردستانی سووریا (P.Y.K.S) دەڵێت: ڕۆژهەڵاتی ناوەڕاست لە دۆخێکی هەستیاردایە و لە سووریا و عێراق و لوبنان و یەمەن و ژمارەیێک دیکە لە وڵاتەکاندا کێشەی زۆری سەربازی و سیاسی هەیە و ئەمەش کاریگەریی لەسەر ستراتێژیی ئەمریکا و سیاسەتی بایدن لە ناوچەکەدا هەیە.

فواد عەلیکۆ جەختی کردەوە: ئەوەی کە ڕوون و ئاشکرایە ئەمەیە کە بایدن ڕێگە بەوە نادات کە لە چورا ساڵی داهاتوودا ستەم لە کوردەکان بکرێت و ئێمەش هیوادارین کە بایدن بتوانێت مافی کورد بەدەست بێنێت.

کۆدی هەواڵنێر: 60113