«عەلا بەرکات» کە سیاسەتوانێکی کوردی سووریایە لە گفتوگۆ لەگەڵ کوردپرێسدا ئاماژەی دا بە ساڵۆگەڕی هێرشی تورکیا بۆسەر عەفرین و ڕایگەیاند: ئەوە تەنها تورکیا نەبوو کە عەفرینی داگیر کرد بەڵکوو هەموو زلهێزەکان پێکەوە بوون کە ئەو مۆڵەتەیان بە تورکیا دا.
ناوبراو درێژەی دا: بەبێ ڕەزامەنیی زلهێزە جیهانییەکان تورکیا توانای ئەو هێرشەی نەبوو و لە ڕاستیدا زلهێزە جیهانییەکان عەفرین و سەرێ کانی و گرێ سپییان بە تورکیا بەخشی.
ئەو سیاسەتوانە زیاتر وتی: عەفرین زامێکی ساڕێژ نەکراوە بۆ کوردەکان و ئەمڕۆکە گرووپە تاوانکارەکان دەستیان داوەتە کوشتن و قەڵاچۆ کردن لە ناوچەکەدا و خەڵکی ناوچەکە لە ماڵەکانیان دەردەکەن.
عەلا بەرکات لە کۆتاییدا ڕاشیگەیاند: دۆخەکە بەم چەشنە نامێنێتەوە و عەفرین دەگەڕێتەوە ئامێزمان.
کۆدی هەواڵنێر: 60113
Your Comment