بەپێی هەواڵی کوردپرێس، رێکخراوی لێبووردنی نێودەوڵەتی (ئەمنستی ئینتەرناشناڵ) ڕاپۆرتێکی لەبارەی دۆخی مافی مرۆڤ لە جیهان بڵاو کردەوە و تیایدا لە شێوازی ڕەفتاری هەرێمی کوردستانی عێراق لەگەڵ ناڕازیان و چالاکوانانی مەدەنی و ڕۆژنامەنووسان بە توندی ڕەخنە دەگرێت.
ڕێکخراوەکە لە ڕاپۆرتەکەیدا ئاماژەی دەکات بەوەی کە هێزە ئەمنییەکانی هەرێمی کوردستان، بە دەست بردن بۆ توندوتیژی بڵاوە بە خۆپیشاندەران دەکەن و دەیان کەسیان دەستگیر دەکەن. لە ڕاپۆرتەکەدا هاتووە کە هێزە ئەمنییەکانی هەرێم لە خۆپیشاندانەکانی مانگی ئایار لە دهۆک 167 کارمەند، مامۆستا و چالاکی مەدەنی و ڕۆژنامەنووسیان دەستگیر کردووە.
ئەمنستی ئینتەرناشناڵ هەروەها ئاماژە بە خۆپیشاندانەکانی شاری سلێمانی دەکات و دەڵێت «توندی نواندنی لە ڕادەبەدەر» بووە هۆی مردنی خۆپیشاندەران.
رێکخراوی لێبووردنی نێودەوڵەتی ئاماژەش بە داخستی ژمارەیێک لە نووسینگەی ئاژانسە هەواڵییەکان و کەناڵە تەلەفیزیۆنییەکان لە هەرێم دەکات ئەوەش بەهۆی ڕووماڵی خۆپیشاندانەکان.
کۆدی هەواڵنێر: 60113
Your Comment