هێرشی مووشەکی کرایە سەر بنکەی ئاسمانیی بەلەد
بەشی عێراق و هەرێمی کوردستان- سه‌رچاوه‌یێکی ئه‌منیی عێراق بڵاوی کرده‌وه‌، ئەمشەو مووشه‌کی کاتیۆشا ئاراسته‌ی بنکەی ئاسمانی به‌له‌د کرا.

کوردپرێس: به‌گوێره‌ی سه‌رچاوه‌ ئه‌منیه‌کانی عێراق، ئه‌مشەو چەند مووشه‌کی کاتیۆشا کە هێشتا ژمارەیان دیار نییە ئاراسته‌ی بنکه‌ی ئاسمانیی به‌له‌د له‌ پارێزگای سه‌ڵاحه‌دین کرا.

بنکەی ئاسمانیی بەلەد ده‌که‌وێته‌ باشووری پارێزگای سەلاحەدین، بنکەی سەرەکیی فڕۆکەکانی F16ـی عێراقە، پێشتر ئه‌و بنکه‌یه‌ به‌ هاوبه‌شی له‌گه‌ڵ هێزه‌کانی ئه‌مریکا به‌کارده‌هێنرا، له‌ئێستاشدا ژماره‌یه‌ک به‌ڵێنده‌ری ئه‌مریکی و فه‌رمانبه‌ری نۆژه‌نکردنه‌وه‌ی فڕۆکه‌ی F16 ی تێیدا نیشتەجێن.

 

کۆدی هەواڵنێر: 60113