کوردپرێس:

سەنتەری هێزەکانی ئاسایشی ناوخۆ ڕۆژی ڕابردوو ڕایگەیاند لە ئێستادا سەرقاڵن بەوەی شوێنەواری شەڕ لەو قوتابخانانە پاک بکاتەوە کە گرووپی دیفاعی وەتەنی وەک ئەرکانی سەربازی لە گەڕەکەکانی تەی لە باشووری قامیشلۆ بەکاری دەهێنا.

ئاسایش پاش پێکدادان لەگەڵ گرووپی دیفاع وەتەنی کە سەر بە دەوڵەتی دیمەشقن لە ڕۆژی یەکشەمەوە کۆنتڕۆڵی گەڕەکی تەی-ی گرتۆتەوە دەست.

سەنتەری ڕاگەیاندنی هێزەکانی ئاسایشی قامیشلۆ جەختی کردۆتەوە: هێزەکانی ئێمە لە هەوڵدان بۆ ئەوەی هەلومەرجی گونجاو فەراهەم بکەن بۆ گەڕانەوەی منداڵان بۆ خوێندن لەو قوتابخانانەی کە لە گەڕەکی تەی لە بندەست گرووپی دیفاع وەتەنیدا بووە.