بەپێی هەواڵی کوردپرێس، مەسروور بارزانی، سەرۆکی حکوومەتی هەرێمی کوردستان لە پەیامێکدا بڵاوی کردەوە، وەک چەندین جار دووپاتمان کردوەتەوە، "داعش خەریکی خۆڕێکخستنەوەیە و هێشتاش هەڕەشە و مەترسییێکی ڕاستەقینەیە لە چەندین ناوچەی عێراق، بە تایبەتی لە ناوچە کوردستانییەکانی دەرەوەی ئیدارەی هەرێم، کە سوود لەو بۆشاییە ئەمنیە وەردەگرێت کە لەو سنوورانەدا هەیە".

مەسروور بارزانی باسی جەختیشی لە گرنگیی جێبەجێ کردنی هەماهەنگیی ئەمنی لە نێوان سوپای عێراق و هێزی پێشمەرگە کردۆتەوە، هەروەها بەردەوام بوونی ڕاهێنان و هاوکاری کردنی هێزی پێشمەرگە و سوپای عێراق لە لایەن هاوپەیمانیی نێودەوڵەتی و مانەوەیان لە عێراق بۆ ڕووبەڕووبوونەوەی تیرۆریستانی داعش، بە گرنگ و پێویست دەزانین بۆ شکستپێهێنانی یەکجارەکی داعش و نەمانی هەڕەشە و مەترسییەکان بۆ سەر ئاسایشی هەرێمی کوردستان و عێراق بە گشتی".

ئاماژەی بەوەش کردووە، بە داخێکی زۆرەوە شەوی ڕابردوو، لە ئەنجامی هێرشی تیرۆریستانی داعش بۆ سەر هێزی پێشمەرگە لە سنووری پردێ، چەند پێشمەرگەیێک شەهید و بریندار بوون، پرسە و سەرەخۆشیی خۆم بە بنەماڵە و کەسوکاری شەهیدەکان ڕادەگەیەنم و خۆم بە هاوبەشی خەمیان دەزانم، هیوای چاک بوونەوەی خێراش بۆ بریندارەکان دەخوازم.

کۆدی هەواڵنێر: 60113