کوردپرێس:
ماڵپەڕی ئاوێنە لە هەواڵێکدا ڕایگەیاند ڕۆژی دووشەمە 7ی حوزەیرانی 2021 شاندێکی یەکێتیی نیشتمانیی کوردستان بە سەرۆکایەتیی باڤڵ تاڵەبانی هاوسەرۆکی ئەو پارتە لە بەغدا لەگەڵ ئیرەج مەسجدی باڵوێزی ئێران لە بەغدا دیداریان رد.
دواپێشهاتەکانی ناو عێراق و بابەتی هەڵبژاردنی پێشوەختەی پەرلەمان و ڕووبەڕووبوونەوەی شانەی نووستووی داعش و پێوەندیی هەرێمی کوردستان لەگەڵ ئێران تەوەری دیداری نێوان دوو لایەنەکە بوو.
لای خۆیەوە باڵوێزی ئێران جەختی کردە سەر فراوان کردنی پێوەندییەکانی نێوان ئێران و هەرێمی کوردستان لە سەر بنەمای پارێزگاری کردن لە بەرژەوەندییە باڵا و گشتییەکان.
هەروەها باڤڵ تاڵەبانی گوتیشی یەکێتی بەرپەرچدانەوەی داعش و پارێزگاری کردن لە سنوورەکان و هەماهەنگیی سەربازیی دوو لایەنە و پڕکردنەوەی بۆشاییی ئەمنی بە زەروور دەزانێت.
Your Comment