کوردپرێس:

ماڵپەڕی ناس نیوز بڵاوی کردەوە کە نووسینگەی سەرۆکوەزیرانی عێراق لە ڕێگای بەیاننامەیێکەوە ڕایگەیاند مستەفا کازمی سەرۆکوەزیرانی عێراق لەگەڵ عەلی ڕەزا گۆنای باڵوێزی تورکیا لە بەغدا دیداری کرد و لەبارەی هاوکاریی هاوبەش لە بواری جۆربەجۆر باس و گفتوگۆیان کرد.

بە وێرەی بەیاننامەکە هەر دوو لا لەبارەی زەروورەتی پێوەندیی دوو قۆڵی لە سەر بنەمای ڕێزگرتنی بەرامبەر لە سەروەریی وڵاتان و بەهێزکردنی بواری ئەمن و ئاسایشی ئەو دوو وڵاتە.

شایانی باسە عەلی ڕەزا گۆنای لەم دواییەدا وەک شوێنگرەوەی فاتێح یێڵدز وەک باڵوێزی نوێی تورکیا لە بەغدا دەستنیشان کرا.