بەپێی هەواڵی کوردپرێس، سەرۆکایەتیی هەرێمی کوردستان بڵاوی کردەوە، نێچیرڤان بارزانی، سه‌رۆکی هه‌رێمی کوردستان، له میانی سه‌ردانه‌که‌یدا بۆ ئیمارات، سه‌ردانی باڵیۆزخانه‌ی عێراقی له ئه‌بووزه‌بی کرد، له دیدارێکدا له‌گه‌ڵ موزه‌فه‌ر ئه‌لجبوری، باڵیۆز و ستافی باڵیۆزخانه، په‌یوه‌ندییه‌‌کانی عێراق و ئیمارات و دۆخ و کاروباره‌کانی ڕه‌وه‌ندی عێراقیان له ئیمارات تاوتوێ کرد و جه‌ختیان له گرنگیی په‌ره‌پێدانی بواره‌کانی هاوبه‌شی و هاریکاریی نێوان هه‌ردوو وڵات کرده‌وه.
نێچیرڤان ده‌ستخۆشیی له باڵیۆز و ستافی باڵیۆزخانه کرد بۆ کار و هه‌وڵه‌کانیان له‌پێناو بره‌ودانی زیاتر به په‌یوه‌ندییه‌کان و هیوای سه‌رکه‌وتنی بۆ خواستن.
لای خۆیه‌وه باڵیۆزی عێراق و ستافی باڵیۆخانه، خۆشحاڵیی خۆیان به سه‌ردان و به‌سه‌رکردنه‌وه‌ی نێچیرڤان بارزانی بۆ باڵیۆزخانه، ده‌ربڕی.
کۆدی هەواڵنێر: 60113
Your Comment