بەپێی هەواڵی کوردپرێس، مەزڵووم کۆبانی، فەرماندەی گشتیی هێزەکانی سووریای دیموکرات (هەسەد) ڕایگەیاندووە: "بە هەموو شێوازێک ڕەتی دەکەینەوە کە هێزەکانمان بەرپرس بن یاخود دەستیان هەبێت لەو هێرشە کارەساتبارەی کرایە سەر نەخۆشخانەی عەفرین، ئێمە هەست بە خەمێکی قووڵ دەکەین بۆ لەدەستدانی هاوڵاتیانی مەدەنی و بەبێ سڵ کردنەوە ئیدانەی دەکەین، بەئامانجگرتنی نەخۆشخانەکانی پێشێلکاریی یاسا نێودەوڵەتییەکانە".

شایانی باسە، نەخۆشخانەی گشتیی شاری عەفرین ڕووبەڕووی تۆپباران بوویەوە، بەپێی ئامارەکانی ڕوانگەی مافی مرۆڤی سووری، 17 کەس کوژراون کە 11یان مەدەنین.

لەناو کوژراواندا پزیشکێک و سێ کارمەندی نەخۆشخانە و سێ ژن و منداڵێک هەن، بەپێی ڕوانگەی سووری، سەرچاوەی تۆپبارانەکە لە ناوچەکانی باکووری پارێزگای حەلەبەوە بووە کە هێزەکانی حکوومەتی ناوەندیی سووریا و هێزەکانی سووریای دیموکراتی تێدایە.

لەلایەکی ترەوە، کۆمەڵەی پزیشکیی سووری-ئەمریکی کە ڕێکخراوێکی مرۆییە و هاوکاری کەرتی تەندروستی دەکات لە ناوچەکانی ئۆپۆزسیۆندا دەڵێت، نەخۆشخانەی شیفا لە عەفرین بە دوو موشەک بۆردوومان کراوە.

هەر بەپێی ئامارەکان، چوار کارمەندی تری نەخۆشخانەکە بریندار بوون و بەشی نۆرینگەی دەرەکی و بەشی منداڵ بوون بە تەواوەتی خاپوور بوون.

کۆدی هەواڵنێر: 60113