تۆماری جیهانیی هەورامان جێی شانازی دەبێت بۆ هەموو کوردێک/ فەرهەنگ و مۆسیقای کوردیش دەبێت تۆماری جیهانی بکرێت

بەشی کرماشان- حسێن سەفامەنش دەڵێت: تۆماری جیهانیی هەورامان جێی شانازی دەبێت بۆ هەموو کوردێک و دەبێت گەشتیارن بزانن کە لە ئێراندا ناوچەیێکی سەرنجڕاکێش بە ناوی هەورامان بوونی هەیە.

سەفامەنش گۆرانی بێژی ناوداری کورد بە کوردپرێسی ڕاگەیاندووە وەکوو ئەویندارێکی فەرەهەنگ و هونەری کوردی، تۆماری جیهانیی سروشتی جوانی هەورامان بە ڕووداوێکی زۆر باش دەزانم.

ئەم هونەرمەندە کوردە دەڵێت: ئەم ڕووداوە لە بەرژەوەندیی گەشەسەندنی کەرتی گەشتیاریی لە هەوراماندا دەبێت و ڕەونەقی ئابووریی ناوچەکەی لێدەکەوێتەوە.

نابروا زیاتر وتی: هاتنی گەشتیارانی بیانی جگە لە گەشەسەندنی کەرتی گەشتیاری دەبێتە هۆی نزیک بوونەوەی ناوچەکە لە کۆمەڵگای جیهانی.

حسێن سەفامەنش جەختی کردەوە: ئەڵبەت دەبێت لە پاڵ تۆماری سروشتی جوانی هەورامان، مۆسیقا، پیشەسازیی دەستی، هونەر و پۆشاکی ناوچەکەش وەکوو دیکەی داراییە بەبایەخەکانمان لە دونیادا بناسێندرێت و وەکوو دۆسیەیێکی جیهانی تۆمار بکرێن.

هونەرمەندی ناوداری کورد وەبیریشی هێنایەوە مۆسقا بەشێکی گرینگ لە فەرهەنگی هەورامانە و مێلۆدی و ڕیتمی جوانی ئەم مۆسیقایە تێکەڵی سروشتی ناوچەکە بووە.

کۆدی هەواڵنێر: 60113

News Code 27

Tags

Your Comment

You are replying to: .
captcha