«عەلا بەرکات» سیاسەتوانی سەربەخۆی کوردی سووریا لە گفتوگۆ لەگەڵ کوردپرێسدا ئاماژەی دا بە ئانجامی هەڵبژاردنەکان لە ئەمریکا و کاریگەریی لەسەر پرسی کوردەکان لە سووریا و وتی: هێشتا ئەنجامی هەڵبژاردنەکانی ئەمریکا بەشێوەی فەرمی ڕانەگەیێندراوە بەڵام بوونی دیموکراتەکان بۆ کورد باشترە لە کۆماریخوازەکان.
ناوبراو درێژەی دا: ئەنجامی سیاسەت کردنی دیموکراتتەکان لەبارەی کوردەکانی سووریا باشتر بووە لە ئەنجامی سیاسەتی کۆمارییەکان و کورد هیوای بەمەیە پاش هانی دیموکراتەکان لە ئەمریکا بتوانن سیاسەتێکی ڕاستەقینەتر پەیڕەو بکەن.
بەرکات وتیشی: هەڵبەت هەر سەرۆکێک کە لە ئەمریکا دەسەڵاتی بەدەستەوە بێت ئەگەر کورد لەناوخۆدا یەکگرتوو نەبن بێ بایەخ دەبێت.
سیاسەتوانە کوردەکەی سووریا جەختیشی کردەوە: ئەگەر کوردی سووریا نەگەنە ڕێککەوتن هەر هەنگاوێک کە بۆ چارەسەر کردنی پرسی کوردی سووریا هەڵبگیردرێت ناگاتە ئەنجام.
کۆدی هەواڵنێر: 60113
Your Comment