کوردپرێس:
کوفان کەنعۆ سەرۆکی پارتی ڕۆژی دیموکراتیی کوردستانی سووریا لە لێدوانێکدا بۆ کوردپرێس ئاماژەی بە سەردانەکەی ئەم دوایییەی شاندی ئیدارەی خۆسەر بۆ فەڕەنسا و کۆبوونەوەیان لەگەڵ سەرۆکی ئەو وڵاتە دەکات و دەڵێت: پاش ئەوەی ئیدارەی خۆسەر داوای لە کۆمەڵگەی جیهانی کرد دانی پێدا بنێن، سەرۆککۆمارری فەڕەنسا بە فەرمی بانگهێشتی شاندێکی ئیدارەی خۆسەری کرد بۆ ئەوەی سەردانی کۆشکی ئێلیزە بکەن.
ناوبراو گوتیشی: ئەوە ڕووداوێکی گرینگ و شوێندانەرە بۆ کوردەکان لە ئاستی جیهانی
سەرۆکی پارتی ڕۆژی دیموکراتیی کوردستانی سووریا زیادی کرد: شاراوە نیە کە فەڕەنسا هەوڵ دەدات چارەسەرێک بدۆزێتەوە بۆ تەعامول کردن لەگەڵ کوردەکان و ئەوەش لە دیدار لەگەڵ مەکرۆن تاوتوێ کرا و باسی پشتگیرییەکانی فەڕەنسا بۆ کورد کرا.
ناوبراو ئاشکراشی کردک دیداری مەکرۆن لەگەڵ شاندێکی ئیدارەی خۆسەری کوردستانی سووریا هەنگاوێک بوو لە چوارچێوەی پێوەندیی ڕاستەوخۆی سیاسیی ڕۆژئاواییەکان لەگەڵ ئیدارەی خۆسەر و جووڵەیێک بوو بەرەو پێش بۆ بە فەرمی ناساندنی ئیدارەکە.
Your Comment