بەپێی هەواڵی کوردپرێس، پویا تاڵب نیا بەڕێوەبەری ناوەندی فەرهەنگیی هەورامان ئاماژەی دا بە لێکۆڵینەوەکان بۆ تەواو کردنی دۆسیەس تۆمار کردنی جیهانیی هەورامان و بە هەواڵنێرانی ڕاگەیاند: بە هۆی بەربڵاو بوونی ناوچەکە و ئەو شوێنانەی دۆسیەکەی دەیگرێتەوە پڕۆسەی بەدواداچوونی پسپۆڕانە لە ئیکۆمۆس و لیژنەی میراتی جیهانیدا زۆر گرینگە.
ناوبراو زیاتر وتی: بڕیاری بەرایی ئیکۆمۆس لەبارەی دۆسیەکە ڕاگەیێنراوە و بەپێیەش هەورامان چانسێکی زۆری هەیە کە لە ڕیزی میراتی جیهانیدا تۆمار بکرێت.
بەڕێوەبەری ناوەندی فەرهەنگی هەورامان وتیشی: تۆمار کردنی جیهانی دەتوانێت بەستێن بۆ گەشەسەندن و پشکووتنی ناوچەکە فەراهەم بکات.
کۆدی هەواڵنێر: 60113
Your Comment