بەپێی هەواڵی کوردپرێس، ئەرمەنیان ویکلی بڵاوی کردەوە، دەیڤید سیسیلین نوێنەری دیموکرات و گاس بیلیراکیس نوێنەری کۆماریخوازی کۆنگرێسی ئەمریکا، لە نامەیێکدا ئانتۆنی بلینکن-یان کردۆتە بەردەنگ و داوایان لێکردووە لەبارەی کەڵک وەرگرتنی تورکیا لە تەکنەلۆژیا و پارچەکانی درۆن بکۆڵێتەوە و ئەگەر پرسەکەی بۆ پشتڕاست بووەوە هەناردەکردنی تەکنەلۆژیا و پارچەی درۆنی ئەمریکی بۆ تورکیا ڕابگرێت.
ئەم دوو نوێنەرەی ئەمریکا لە نامەکەیەندا ئاماژەیان کردووە کە تورکیا لە چەند ساڵی ڕابردوودا لە درۆن کەڵکی وەرگرتووە بۆ هێرش کردنە سەر کوردەکان کە هاوپەیمانی ئەمریکا دێنە ئەژمار.
چەندین ناوەندی ئەمریکی پشتگیرییان لە کەمپینی دوو نوێنەری کۆماریخواز و دیموکراتی ئەمریکی بۆ هەڵپەساردنی هەناردە کردنی کەرەستە جەنگییەکان بۆ تورکیا کردووە.
کۆدی هەواڵنێر: 60113
Your Comment